Stjórn Fjárafls, fjárfestinga- og þróunarsjóðs Fljótsdalshéraðs, hefur ákveðið að úthluta styrkjum til þriggja verkefna. Alls bárust fimm umsóknir en umsóknarfrestur rann út 16. júlí síðast liðinn. Verkefni sem fá stuðning að þessu sinni eru:
Skógráð ehf. , sem fær kr 1.000.000.- vegna kyndistöðvar á Hallormsstað. Verkefnið hefur fengið styrk úr Orkusjóði og í gegnum Vaxtarsamning Austurlands.
Veiðifélag Jökulsár á Dal, fær kr. 800.000.- til rannsóknar á lífríki Jökulsár á Dal og þverám hennar.
Jón Fr. Sigurðsson , fær kr. 600.000. - vegna sjálfvirknivæðingar minkabús, forkönnun og frumhönnun. Stjórn Fjárafls lítur svo að með þessum styrk sé verið að ýta undir frumkvöðlastarf og meiri tæknivæðingu í greininni.
Gert er ráð fyrir að næsta úthlutun Fjárafls verði á fyrri hluta næsta árs.
