Uppskerusýning Dansstúdíó Emelíu

Síðastliðnar tvær vikur hafa tæplega 90 nemendur lagt stund á listdans á Fljótsdalshéraði. Námskeiðin eru á vegum menningarverkefnisins Dansstúdíó Emelíu. Kennarar á námskeiðunum eru Emelía Antonsdóttir Crivello, sem jafnframt er í forsvari fyrir verkefnið og listdansarinn Alyona Perepelytsia. Á námskeiðunum lærðu nemendur grunntækni í listdansi með áherslu á samtímadans og jazzballet. 

Námskeiðunum lýkur með danssýningu sem haldin verður í Íþróttahúsinu í Fellabæ á morgun, laugardaginn 2.júlí kl.16:00. Á sýningunni dansa nemendur á aldrinum 5-14 ára en einnig dansar Alyona samtímadans.

Ókeypis er inn á sýninguna og allir eru velkomnir.