Unnið verði með niðurstöður skoðanakönnunar að loknum sveitarstjórnarkosningum

Brefið sem sent var íbúum sveitarfélaganna um mögulega sameiningu.

Á fundi bæjarráðs 9. apríl sl. var farið yfir niðurstöður úr skoðanakönnum meðal íbúa þeirra 6 sveitarfélaga sem eru í samstarfi um félagsþjónustu og brunavarnir á Austurlandi, um mögulega sameiningu og/eða aukið samstarf. Fundargerð bæjarráðs var til umfjöllunar á fundi bæjarstjórnar Fljótsdalshéraðs miðvikudaginn 18. apríl og eftirfarandi bókun gerð.

Bæjarstjórn Fljótsdalshéraðs tekur undir með bæjarráði og fagnar þeim áhuga sem íbúar sveitarfélaganna sýna á mögulegri sameiningu sveitarfélaga á svæðinu og þakkar þeim þátttökuna. Bæjarstjórn hvetur jafnframt fulltrúa viðkomandi sveitarfélaga, í framhaldi af sveitarstjórnarkosningum í vor, til að undirbúa viðræður um mögulega sameiningu þeirra sveitarfélaga þar sem niðurstaða var afgerandi.

Samþykkt samhljóða með handauppréttingu.