Tolli með listsýningu og Hjörvar Steinn með fjöltefli í flugstöðinni

Föstudaginn 21. september klukkan 16 verður opnuð sýning á nýjum olíumálverkum eftir Tolla í flugstöðinni á Egilsstöðum. Sýningin stendur í fjórar vikur og er sú fyrsta í röð sýninga á verkum Tolla á flugvöllum landsins.

Þá verður fjöltefli í flugstöðinni laugardaginn 22. september klukkan 11. Hjörvar Steinn Grétarsson skákmeistari býður til fjölteflis þar. Þeir sem ná jafntefli eða vinna fá vinninga, auk þess sem þrenn aukaverðlaun verða dregin út.

Áhugasamir eru vinsamlegast beðnir um að tilkynna þátttöku á sverrirg57@gmail.com í síðasta lagi föstudagskvöldið 21. september. Einnig er hægt að skrá sig á staðnum klukkan 10:45 ef enn verða laus sæti.