Tilkynning til íbúa Egilsstöðum og Seyðisfirði vegna Covid 19

Lögreglan á Austurlandi sendi frá sér eftirfarandi tilkynningu í dag vegna Covid 19 veirunnar: Til að tryggja upplýsingaflæði til farþega í Norrænu og á alþjóðaflugvellinum á Egilsstöðum munu, af hálfu Almannavarnardeildar Ríkislögreglustjóra, leiðbeiningar sendar þeim með SMS skilaboðum þegar þeir koma til landsins. Þar er meðal annars leiðbeint um viðbrögð leiki grunur á smiti.

Íbúar á Seyðisfirði og Egilsstöðum kunna að fá þessi skilaboð einnig. Er beðist velvirðingar á því en áréttað hér að tilgangurinn er fyrst og fremst að ná til farþega sem eru að koma erlendis frá.

Textinn á meðfylgjandi slóð var settur á vef lögreglu og samfélagsmiðla fyrr í dag: https://www.logreglan.is/covid-19-koronaveiran-upplysingar-til-ibua-a-seydisfirdi-og-a-egilsstodum/