Þingað um framtíð sviðslista á Austurlandi

Föstudaginn 1. október verður haldið málþing um framtíð sviðslista á Austurlandi, á Hótel Héraði, Egilsstöðum og hefst það kl. 18.00. Það er Menningarmiðstöð Fljótsdalshéraðs sem stendur fyrir málþinginu en hún er miðstöð sviðslista á Austurlandi.

Fundarstjóri á málþinginu verður Þóroddur Helgason fræðslustjóri Fjarðabyggðar en framsögur flytja:
• Ingunn Þráinsdóttir, framkvæmdastjóri MMF - miðstöðvar sviðslista á Austurlandi
• Elfar Logi Hannesson leikari og leikhússtjóri Kómedíuleikhússins á Ísafirði
• Sigríður Lára Sigurjónsdóttir bókmenntafræðingur og leikskáld
• Magnús J. Magnússon, áhugaleikari og varamaður í stjórn BÍL - Unglingar og leiklistin
• Ragnheiður Skúladóttir, deildarforseti leiklistar- og dansdeildar Listaháskóla Íslands
• Vilhjálmur Hjálmarsson, mastersnemi í menningarstjórnun í Háskólanum á Bifröst
Konfektmoli - Brot úr Gaggað í grjótinu, Elfar Logi Hannesson

Hægt verður að kaupa léttan kvöldverð á kr. 1.000 meðan á þinginu stendur.

Eftir framsögurnar fara fram umræður þar sem m.a. verður fjallað um eftirfarandi: Sameiginlegur heilaspuni:
• Staða Menningarmiðstöðar Fljótsdalshéraðs - miðstöðvar sviðslista á Austurlandi, tilgangur og framtíð
• Sviðslistahús á Austurlandi - ríki, sveitarfélög og einstaklingar sbr. HOF.
• Leiklistar- og danskennsla í grunnskólum á Austurlandi - Þjóðleikur
• Dans, menningararfurinn og nútímadansinn
• Tenging sviðslista og menningartengdrar ferðaþjónustu-atvinnumöguleikar?

Gert er ráð fyrir að málþinginu ljúki kl. 21.00.

Allir áhugasamir um sviðslistir og annað menningarstarf, þ.m.t. sveitarstjórnarfólk á Austurlandi, eru hvattir til að taka þátt í málþinginu.