Svæðistónleikar Nótunnar fyrir Norður- og Austurland 2017

Svæðistónleikar Nótunnar, uppskeruhátiðar tónlistarskólanna, fyrir Norður- og Austurland verða haldnir í Egilsstaðakirkju laugardaginn 18. mars. Um tvenna tónleika verður að ræða, klukkan 14:00 og 16:00. Lokaathöfn og verðlaunaafhending fer síðan fram klukkan 18:00. Alls taka þrettán tónlistarskólar af Norður- og Austurlandi þátt og verður um mjög fjölbreytt atriði að ræða.

Valnefnd velur sjö atriði á tónleikunum sem öðlast rétt til þátttöku á lokahátíð Nótunnar í Hörpu, en sú nefnd er skipuð Hólmfríði Benediktsdóttur, söngkonu, söngkennara og kórstjóra, Jóhanni Morávek, skólastjóra Tónskóla Austur-Skaftafellssýslu, og Magnúsi Magnússyni, fyrrum skólastjóra Tónlistarskólans á Egilsstöðum.