Sundlaugin á Egilsstöðum fær viðurkenningu

Guðni Sigmundsson, Björn Ingimarsson og Hafsteinn Ólason með viðurkenningarskjalið góða.

Föstudaginn 3. ágúst tóku Björn Ingimarsson bæjarstjóri og Hafsteinn Ólason starfsmaður sundlaugarinnar á Egilsstöðum við sérstakri viðurkenningu frá Sjálfsbjörgu, landssambandi hreyfihamlaðra, sem Íþróttamiðstöðin á Egilsstöðum hlaut fyrir „gott aðgengi fyrir hreyfihamlaða í tengslum við Ársverkefni 2017, Sundlaugar okkar allra“.

Það var Guðni Sigmundsson, formaður Sjálfsbjargar á Mið-Austurlandi, sem afhenti viðurkenninguna fyrir hönd Sjálfsbjargar.