Stuðningsmannakvöld og fyrsti leikurinn

Fyrsti leikur karlaliðs Hattar í 2. deild, á þessu tímabili, fer fram á Fellavelli, laugardaginn 11. maí kl. 14.00. En þá kemur Ægir frá Þorlákshöfn í heimsókn. Héraðsbúar eru hvattir til að mæta á völlinn og styðja sitt lið.

Stuðningsmannakvöld meistaraflokka karla og kvenna hjá knattspyrnudeild Hattar verður haldið í Hettunni, fimmtudaginn 9. maí, kl. 20.00. Þar munu þjálfarar meistaraflokkanna kynna áætlanir sínar fyrir keppnistímabilið, nýjir leikmenn verða kynntir, hamborgarar grillaðir í boði rekstrarfélags Hattar og Snæfells, sem jafnframt er að opna nýja kjöt og fiskbúð á Egilsstöðum daginn eftir. Hattarlagið verður tekið, létt spurningakeppni úr sögu knattspyrnunnar á Egilsstöðum, ársmiðar á gjafverði og fleira. Allt stuðningsfólk og velunnarar er hvatt til að heilsa upp á liðin og taka þátt í skemmtuninni.