Starf forstöðumanns félagsmiðstöðvanna Ný-Ungar og Afreks er tímabundið starf, þ.e. til 1. júní 2011 með möguleika á framhaldsráðningu.
Forstöðumaður annast æskulýðsstarf á vegum sveitarfélagsins. Hann ber ábyrgð á samræmingu félagsstarfs félagsmiðstöðvanna við alla grunnskóla sveitarfélagsins og honum ber að hafa góð tengsl og samstarf við frjáls félagasamtök í sveitarfélaginu í þessum málaflokki.
Í auglýsingu um starfið kemur fram að hæfniskröfur sem gerðar eru til starfsmannsins eru m.a. þær að menntun á sviði uppeldis- eða tómstundafræða er æskileg, færni í mannlegum samskiptum, metnaður, skipulagshæfni, frumkvæði, sjálfstæði og framtakssemi.
Umsóknum með ferilskrá skal skila á skrifstofu Fljótsdalshéraðs, Lyngási 12,
700 Egilsstöðum í síðasta lagi föstudaginn 17. september 2010. Einnig má senda umsókn á netfangið karen@egilsstadir.is . Karen Erla Erlingsdóttir menningar- og frístundafulltrúi Fljótsdalshéraðs, veitir allar almennar upplýsingar um ofangreint starf í síma 4700 700 eða á netfanginu karen@egilsstadir.is.