Að undanförnu hefur sveitarfélagið Fljótsdalshérað verið í samskiptum við Orkustofnun, m.a. vegna orkuflutninga til og frá Austurlandi og orkuframleiðslu á svæðinu.
Bæjarráð hefur lýst yfir vilja til samstarfs við Orkustofnun um frumathuganir á smávirkjanakostum í sveitarfélaginu, í samráði við landeigendur.
Í framhaldi af því auglýsir Fljótsdalshérað eftir hugmyndum að slíkum virkjanakostum innan sveitarfélagsins, sem taka mætti til frumathugana, í samstarfi við viðkomandi landeigendur og með mögulegri aðkomu starfsmanna Orkustofnunar.
Ábendingar og upplýsingar um þessa virkjunarkosti má senda á bæjarskrifstofu Fljótsdalshéraðs Lyngási 12 Egilsstöðum og einnig má senda þær rafrænt á netfangið egilsstadir@egilsstadir.is. Sveitarfélagið mun síðan taka þessar hugmyndir saman og koma þeim til Orkustofnunar til frekari úrvinnslu.
Áhugasamir landeigendur eru sérstaklega hvattir til að skoða þá smávirkjanakosti sem kunna að vera til staðar á þeirra landi, og nýta sér þekkingu starfsmanna Orkustofnunar til að áætla hagkvæmni þeirra.
F.h. bæjarstjórnar Fljótsdalshéraðs
Björn Ingimarsson bæjarstjóri.