Samkeppni um hönnun á lyklakippu

Efnt hefur verið til samkeppni um hönnun á lyklakippu fyrir Austurland í samvinnu við List án landamæra á Austurlandi 2014.
Verkefnið: Að hanna lyklakippu sem sækir innblástur í landvætt Austurlands, dreka sem ver fjórðunginn fyrir ágangi. Í Heimskringlu er honum lýst sem ógurlegum óvætti sem fylgt er af eitruðum ormum, pöddum og eðlum. Sérstök áhersla verður lögð á að hægt verði að framleiða lyklakippuna úr staðbundnum hráefnum frá Austurlandi.
Verðlaunaféð: Höfundur þeirrar hugmyndar sem þykir skara fram úr hlýtur 70.000 kr. í verðlaun. Einnig mun Austurbrú veita viðkomandi ráðgjöf um að koma lyklakippunni í framleiðslu og sölu. Þá verða veittar viðurkenningar fyrir annað og þriðja sæti.

Fyrir hverja: Keppnin er öllum opin og vonast er til að sem flestir taki þátt.

Skráning þátttöku fer fram frá 20. febrúar til 28. febrúar 2014 á netfangið kre80@hotmail.com. Samkeppnisreglur verða sendar/afhentar þátttakendum.

Skráning þátttöku fer fram frá 20. febrúar til 28. febrúar 2014 á netfangið kre80@hotmail.com. Samkeppnisreglur verða sendar/afhentar þátttakendum.


Sýning á öllum innsendum tillögum fer fram í Sláturhúsinu á Egilsstöðum – Menningarmiðstöð frá 10. maí til 24. maí. Úrslit samkeppninnar verða tilkynnt 26. maí í Sláturhúsinu.
Nánari upplýsingar veitir Halla Ormarsdóttir á netfangið hallao@egilsstadir.is eða í síma 8481953.
Þeir sem standa að verkefninu eru Austurbrú, Fljótsdalshérað, List án landamæra og Brúnás innréttingar.