Rekstur tjaldsvæðis á Egilsstöðum 2014

Auglýst er eftir aðila til að annast afgreiðslu og rekstur tjaldsvæðisins á Egilsstöðum frá í síðasta lagi 15. apríl – 30. september 2014. Á tímabilinu 10. júní – 31. ágúst skal tjaldsvæðið vera opið með þjónustu milli kl. 7.00 – 23.00. Í þessu felst m.a. sala á svæðið og upplýsingagjöf til tjaldsvæðisgesta, dagleg umhirða á bað- og salernisaðstöðu og almenn dagleg umhirða á tjaldstæðinu sjálfu. Fljótsdalshérað mun hins vegar sjá um slátt á svæðinu. Rekstraraðili mun hafa til umráða móttöku- og afgreiðslurými, geymslurými, starfsmannarými auk snyrti- og þvottaaðstöðu.

Áhugasamir skili sínum útfærslum og hugmyndum fyrir lok dags 14. mars 2014. Umsóknir skulu sendar Fljótsdalshéraði, Lyngási 12, 700 Egilsstaðir, eða á netfangið odinn@egilsstadir.is. Gert er ráð fyrir að umsækjendur verði boðaðir til viðræðna eftir að umsóknarfresti lýkur. Í framhaldinu verður tekin ákvörðun um við hvern verður samið eða jafnvel að öllum framkomnum hugmyndum verði hafnað.

Nánari upplýsingar veitir atvinnu-, menningar- og íþróttafulltrúi í síma 4700 700 eða netfangið odinn@egilsstadir.is