Aðalsteinn Þórhallsson hefur verið ráðinn framkvæmdastjóri HEF og mun taka til starfa frá og með 1. október nk. HEF er sjálfstætt fyrirtæki í fullri eigu Fljótsdalshéraðs og auk hitaveitu, rekur HEF vatnsveitu- og fráveitukerfi Fljótsdalshéraðs. Þá hefur HEF nýlega tekið að sér að sjá um lagninu ljósleiðara á Fljótsdalshéraði.
Aðalsteinn er byggingartæknifræðingur að mennt og lauk námi frá Háskólanum í Reykjavík árið 1992. Hann hefur frá árinu 1996 starfað hjá Mannviti þar sem hann hefur m.a. sinnt ýmis konar ráðgjöf á sviði verkefnastjórnunar og framkvæmdaeftirlits. Þá starfaði Aðalsteinn sem tæknifræðingur hjá Ármannsfelli og Verkfræðistofu Stanleys Pálssonar. Aðalsteinn er búsettur á Fljótsdalshéraði.
Sem fyrr segir rekur HEF hitaveitu, vatnsveitu- og fráveitukerfi Fljótsdalshéraðs. Þá tók fyrirtækið nýverið að sér að halda utan um lagningu ljósleiðara í sveitarfélaginu en gert er ráð fyrir að það verkefni taki þrjú ár. Þá stendur fyrir dyrum hjá HEF bygging nýs fráveituvirkis með nýrri útrás sem er gríðarlega umfangsmikið og mikilvægt verkefni. Aðalsteinn tekur því við krefjandi verkefnum úr höndum forvera síns í starfi, Páls Breiðfjörðs Pálssonar sem þökkuð eru sín störf í þágu HEF.
Nánari upplýsingar veitir Gunnar Jónsson (gunnarj@egilsstadir.is), formaður stjórnar HEF í síma 8602880.
Takk fyrir!
Ábending þín er móttekin
Lyngási 12, 700 Egilsstaðir
fljotsdalsherad@fljotsdalsherad.is
kt: 481004-3220
Opnunartímar skrifstofu
8:00 - 15:45 alla virka daga
Persónuverndarfulltrúi Fljótsdalshéraðs hefur eftirlit með að farið sé að persónuverndarlögum í starfsemi sveitarfélagsins
Með íbúagátt er íbúarnir komnir í beint samband við sveitarfélagið sitt með rafrænum hætti.
Þjónustugátt fyrir kjörna fulltrúa Fljótsdalshéraðs.
Upplýsinga- og þjónustuveita ríkis og sveitarfélaga. Hér er að finna upplýsingar um opinbera þjónustu, aðgang að stórum hluta eyðublaða hins opinbera o.fl.