List án landamæra í Sláturhúsinu 11. maí

Listahátíð án landamæra verður sett í Sláturhúsinu á Egilsstöðum laugardaginn 11. maí kl. 14.00. Dagskráin er fjölbreytileg og skemmtileg að venju. Hátíðin er árleg listahátíð sem leggur áherslu á  fjölbreytileika mannlífsins.

Dagskrá hátíðarinn er eftirfarandi:
Söngatriði - Kór eldri borgara á Fljótsdalshéraði og nemendur leikskólans Tjarnarlands og Stólpa taka lagið undir stjórn Tryggva Hermannssonar.

Tónlistaratriði - Gítarhópur frá Tónlistarskólanum Egilsstöðum undir handleiðslu Hafþórs Mána Valssonar. Tónlistarhópur frá Tónlistarskólanum Fellabæ spilar tónlist á þjóðlegum nótum undir stjórn Áslaugar Sigurgestsdóttur. Hópur nemenda úr tónlistarskólanum á Egilsstöðum undir stjórn Suncönu Slamnig. Flutningur á hljóðverki Daníels Björnssonar undir handleiðslu listamannanna Elvars Más Kjartanssonar og Konrads Korabiewski. Sigurður Eymundsson og Arnar Warén Halldórsson spila ljúfa tóna á harmoniku.

Ljóðaupplestur – Austfirsk skáld lesa upp ljóð sín, Sigurður Ingólfsson, Stefán Bogi Sveinsson, Steinunn Rut Friðriksdóttir, Steinunn Ásmundsdóttir, Sveinn Snorri Sveinsson.

Geðveika kaffihúsið - Kvenfélagið Bláklukka selur kaffi, heitt súkkulaði og nýbakaðar vöfflur á meðan á
hátíðinni stendur. (Ath. enginn posi).

Í Sláturhúsinu verða sýnd handverk frá ýmsum hópum.

Leikskólinn Tjarnarskógur hefur í samstarfi við Heilbrigðisstofnun Austurlands, Stólpa, Félag eldri borgara á Fljótsdalshéraði og Egilsstaðaskóla unnið að ýmsum sköpu

Ýmsar sýningar
• Myndlistarsýning Stólpa, Ásheima og Menntaskólans á Egilsstöðum undir handleiðslu Lóu myndlistarkennara.
• Sýning á landslagsverkum Róberts Jónssonar og Sigrúnar Ragnarsdóttur.
• Sýning á blýantsteikningum Arons Kale.
• Bútasaumssýning á vegum tómstundastarfs á Fljótsdalshéraði undir handleiðslu Ernu Nielsen.
• Bollinn minn samstarfsverkefni leirlistakonunnar Anne Kamp og Stólpa.
• Nátttröllið leikin stuttmynd nemenda á starfsbraut Menntaskólans á Egilsstöðum út frá þjóðsögunni Nátttröllið.
• Sýning á verkum þátttakenda í „Listasmiðju Lóu“ þar sem unnið var að listsköpun með efnivið úr skóginum.

Kynnar á hátíðinni verða Ingunn Snædal og Matthías Þór Sverrisson.

Sýning á öllu handverki listahátíðarinnar verður opin á opnunartíma Sláturhússins til 25. maí, mánud. - fimmtud. kl. 17.00 – 22.00.

Styrktaraðilar Listar án Landamæra 2013
Menntaskólinn á Egilsstöðum - Austurbrú - Austurfrakt - Sælgætisgerðin Góa - Launafl - Fljótsdalshreppur – Miðás - Kvenfélag Eiðaþinghár - Síldarvinnslan ehf - Lionsklúbburinn Múli Fljótsdalshéraði - Mánatölvur ehf – Fljótsdalshérað - Soroptimistaklúbbur Austurlands - Bílaverkstæði Austurlands - Blómaval - A4 - Landsbankinn - ÞS Verktakar - Eimskip