Lífshlaupið 2018 – Fljótsdalshérað etur kappi við Fjarðabyggð

Björn Ingimarsson og Páll Björgvin Guðmundsson hittust á dögunum og innsigluðu keppnina, en báðir æt…
Björn Ingimarsson og Páll Björgvin Guðmundsson hittust á dögunum og innsigluðu keppnina, en báðir ætla sér stórkostlega hluti með sínum liðum.

 Dagana 31. janúar – 20. febrúar 2018 fer fram vinnustaðakeppni Lífshlaupsins, en í Lífshlaupinu eru landsmenn allir hvattir til þess að huga að sinni hreyfingu og auka hana eins og kostur er, t.d. með vali á ferðamáta og í frítíma.

Á Austurlandi etja bæjarskrifstofur Fljótsdalshéraðs og Fjarðabyggðar kappi og berjast til sigurs. Hittust þeir Björn Ingimarsson, bæjarstjóri Fljótsdalshéraðs, og Páll Björgvin Guðmundsson, bæjarstjóri Fjarðabyggðar, á dögunum og innsigluðu keppnina, en báðir ætla sér stórkostlega hluti með sínum liðum.

Hefur Þjónstusamfélagið á Héraði hvatt aðila á Héraði til að taka þátt í Lífshlaupinu með virkum og áberandi hætti, en hægt er að skora á önnur fyrirtæki og þannig efla heilbrigða samkeppni á öðrum vettvangi en vanalega.

Óhætt er að hvetja alla til að taka þátt í Lífshlaupinu, en hægt er að sjá allt um verkefnið á Lífshlaupið.is og nánari upplýsingar og ráðleggingar um hreyfingu má finna á heimasíðu Embættis landlæknis.