Íbúðalánasjóður auglýsir íbúðir til leigu

Íbúðalánasjóður auglýsir til leigu 29 eignir og er umsóknarfrestur í viku eða til og með 3. apríl n.k. og verða þær leigðar út frá 1. maí eða fyrr eftir samkomulagi. Þar af eru tvær íbúðir á Egilsstöðum, við Hamragerði og þrjár á Reyðarfirði.

Í tilkynningu frá Íbúðarlánasjóði segir: „Eignirnar eru auglýstar á  http://fasteignir.visir.is/  og http://mbl.is/leiga/ og þar er hægt að sækja um þær með því að senda inn umsókn á leiga@ils.is og þar á eingöngu að setja nafn eignar í subject, nafn umsækjanda,kt. og símanúmer í mailið. Eftir 3. apríl er svo unnið úr umsóknum.

Á meðan eignirnar eru auglýstar er ekki hægt að skoða þær nema á þeim myndum sem eru í auglýsingunni á netinu en að sjálfsögðu fær fólk að skoða eignina ef það er dregið út og hafa þá kost á að afþakka eignin ef hún hentar ekki.

Hér má sjá úthlutunarreglur sjóðsins : http://www.ils.is/einstaklingar/ibudir-til-leigu/uthlutunarreglur-leiguibuda/“