Íbúafundur um sameiningu sveitarfélaga

Fundurinn á Fljótsdalshéraði verður í Valaskjálf mánudaginn 7. október og hefst klukkan 18:00.

Tillaga um sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar verður kynnt íbúum sveitarfélaganna dagana 7. til 10. október. Fundurinn á Fljótsdalshéraði fer fram í Valaskjálf mánudaginn 7. október og hefst hann klukkan 18:00.

Á fundunum verður tillaga um sameiningu sveitarfélaganna kynnt og íbúum gefst tækifæri til að koma spurningum, sjónarmiðum og ábendingum á framfæri. Hægt verður að koma spurningum á framfæri jafnt rafrænt og munnlega. Því er mikilvægt að þátttakendur hafi meðferðis snjallsíma, spjaldtölvu eða tölvu ef þau vilja nýta sér rafræna möguleikann. Fundinum á Fljótsdalshéraði verður streymt á Facebook-síðu sveitarfélagsins  og geta íbúar fylgst með honum þar.

 Þátttakendum verður boðið upp á súpu og meðlæti.

 Íbúafundur á Seyðisfirði fer fram 8. október í Herðubreið. Á Djúpavogi fer fundurinn fram 9. október á Hótel Framtíð og á Borgarfirði eystra fer fundurinn fram 10. október í Fjarðaborg. Fundirnir fara allir fram milli klukkan 18:00 og 21:00.

Nánari upplýsingar má finna á svausturland.is