Hreyfivika UMFÍ á Fljótsdalshéraði

Nú styttist óðum í Hreyfiviku UMFÍ, Move Week, en hún verður haldin um allt land dagana 29. maí – 4. júní 2017. Á Fljótsdalshéraði tökum við að sjálfsögðu þátt eins og síðustu ár. 

Það eru Fljótsdalshérað, Ungmenna- og íþróttasamband Austurlands og Íþróttafélagið Höttur sem eins og áður standa að undirbúningi Hreyfivikunnar, en hún hefur það markmið að vekja athygli á gildi íþrótta og hreyfingar sem hluti af heilbrigðum lífsstíl. 

Hreyfivikan hefur ávallt gengið mjög vel á Héraði og hafa fjölmargir viðburðir verið í boði fyrir alla fjölskylduna. Engin breyting verður í ár, dagskráin er að fyllast af alls kyns hreyfitengdum viðburðum sem fara fram víða um Fljótsdalshérað.

Dagskrá Hreyfivikunnar er hér.

Nánar upplýsingar:  bylgja@egilsstadir.is