Hlymsdalir - Félagsþjónusta Fljótsdalshéraði

Sunnudaginn 2. nóvember 2008 opnaði Félagsþjónusta Fljótsdalshéraðs formlega félagsaðstöðu eldri borgara, dagvist eldri borgara og félagsmiðstöð Félagsþjónustunar á Fljótsdalshéraði.

Um er að ræða 530 fermetra aðstöðu á jarðhæð í Miðvangi 6, en húsið er við Strikið í miðbæ Egilsstaða. Fullt var út úr dyrum á opnunardegi og gestir hæstánægðir með stór glæsilega aðstöðu. Sr. Jóhanna Sigmarsdóttir vígði aðstöðuna en að því loknu tóku meðal annars til máls Ágústa Jónsdóttir formaður Félags eldri borgara á Fljótsdalshéraði og Eiríkur Björgvinsson bæjarstjóri. Samkeppni var um nafn á aðstöðunni og bárust 56 tillögur. Erla Jóhannsdóttir og Bogi Ragnarsson hlutu viðurkenningu fyrir nafnið sem valið var, Hlymsdalir.