Hjúkrunarheimilið á Egilsstöðum vígt

Laugardaginn 21. mars kl. 11.00 verður formleg vígsla nýja hjúkrunarheimilisins á Egilsstöðum. Ánægjulegt er að nú skuli þessi langþráða bygging vera að komast í gagnið og mun hún óefað bæta mikið aðstöðu þeirra sem þar koma til með að dvelja og starfa.

Að lokinni vígsluathöfn verður byggingin til sýnis gestum og gangandi til kl. 15.00.

Íbúar sveitarfélagsins eru hvattir til að koma og skoða hjúkrunarheimilið og fagna þessum góða áfanga í uppbyggingu á þjónustu á Fljótsdalshéraði.

Byggingarnefnd þakkar öllum þeim sem komið hafa að undirbúningi og byggingu hjúkrunarheimilisins fyrir þeirra framlag, um leið og hún óskar íbúum sveitarfélagsins til hamingju með þessa glæsilegu aðstöðu.

Byggingarnefnd um hjúkrunarheimili á Egilsstöðum