Heimasíðan var opnuð 21. desember og nú er komin inn vefsíða þar fyrir eina sókn en prófastur segir fleiri sóknir væntanlegar með vefsíður inn á heimasíðuna á næstunni. Múlapróastsdæmi nær yfir Seyðisfjörð, Borgarfjörð, Héraðið allt, Vopnafjörð og Bakkafjörð. Séra Jóhanna segir að segja megi að í pófastsdæminu séu 5 og hálf sókn, því nú sé verið að sameina prestaköllin á Skeggastöðum og Þórshöfn og flytjist sóknarpresturinn frá Skeggjastöðum til Þórshafnar en staðirnir eru nú í sama sveitarfélagi. "Það er vilji fyrir því á Bakkafirði að teljast áfram til Múlaprófastsdæmis," segir prófasturinn. Heimasíðan er vistuð á vef Biskupstofu kirkjan.is sem sr. Jóhanna segir mjög metnaðarfullan vef. Hún segir helgihald um jólin verða hefðbundið í Múlaprófastsdæmi en allar upplýsingar um það má finna á nýju heimasíðunni og slóðin er: www.kirkjan.is/mulaprofastsdaemi