Heilsuátak í Íþróttamiðstöðinni

Til þess að taka þátt í átakinu þarf viðkomandi að vera fæddur eigi síðar en 1992. Æfingarnar þurfa að fara fram í Íþróttamiðstöðinni á Egilsstöðum eða Íþróttahúsinu í Fellbæ. Þá er einnig hægt að ganga eða hlaupa úti. Allar æfingar þurfa að vera að lágmarki 60 mínútur að meðtöldum tíma í sturtu. Þátttakendur bera ábyrgð á sinni skráningu en viðkomandi verður að skrá sig hjá húsverði í afgreiðslu áður en æfing hefst og svo aftur þegar henni líkur.
Til enn frekari hvatningar hefur verið sett af stað keppni í tveimur flokkum mætinga, þ.e þeir sem mæta 3 sinnum í viku og svo þeir sem mæta 5 sinnum í viku. Þátttakendur verða að ákveða fyrirfram í hvorn flokkin þeir vilja skrá sig. Skráningarvikan er föstudagur til fimmtudags og getur fólk hafið átakið hvernær sem er til þess að taka þátt. Á tveggja vikna fresti verða nöfn þátttakenda dregin út og hvatningaverðlaun veitt í hvorum flokki fyrir sig. Í lok átaksins verða veittar sérstakar viðurkenningar fyrir mætingar.
Þá verður þátttakendum gefið tækifæri til þess að taka þátt í þyngdartapskeppni. Viðkomandi vigtar sig í upphafi og setur sér síðan markmið, í lok verður svo aftur vigtun. Þeir sem standast áætlun eða komast sem næst sínum markmiðum fara í einn pott þar sem dregin verða út sérstök verðlaun.
Það er von starfsmanna íþróttahúsana að sem flestir verði með og nýt sér næstu vikur sem best.