Undanfarnar vikur og mánuði hafa staðið yfir framkvæmdir við Tjarnarbrautina á vegum Hitaveitunnar og Fljótsdalshéraðs.
Framkvæmdirnar standa nú sem hæst þar sem til stendur að skipta út efsta jarðvegslaginu í Tjarnarbrautinni og keyra í hana möl ofan af Fagradal. Ofan á mölina verður keyrt jöfnunarlagi, gatan malbikuð og gangstétt steypt.
Framkvæmdirnar hafa augljóslega haft ýmis óþægindi í för með sér fyrir íbúa, atvinnurekendur og vegfarendur götunnar, en allt mun þetta að lokum taka enda og þá getum við vonandi hætt að gera grín að holunum á þessum hluta Tjarnarbrautar.
Fljótsdalshérað biður alla afsökunar á þessum óþægindum og þakkar fyrir skilninginn sem framkvæmdinni hefur verið sýnt.
Upplýsingar um framkvæmdina má fá hjá bæjarverkstjóra Kára Ólasyni 864 4979.