Þetta fól það í sér að nemendur og starfsfólk tóku virkan þátt í sérstökum forvarnardegi gegn einelti sem litaðist fyrst og fremst af vináttuverkefnum.
Sem dæmi má nefna að í Barnaskólanum á Eiðum var unnið undir einkunnarorðuum “Saman göngum hönd í hönd og litrík vefjum vinabönd” – sem sótt eru í skólasönginn. Nemendur og kennarar unnu í orðsins fyllstu merkingu með þau atriði sem þarna er sungið um, mótuðu sig í dúkkulísur sem voru síðan látnar ganga hönd í hönd á sameiginlegri mynd, auk þess sem 2. bekkur bjó til vináttubönd og færði 1. bekkingum.
3. - 5. bekkur hittust fyrir hádegi og unnu að sameiginlegum verkefnum sem eiga það sammerkt að minna á gleði, samkennd og vináttu.
Kl. 11.30 hittust síðan allir bekkir á gervigrasvellinum og þar var vináttublöðrum sleppt og loks var myndaður vináttuhringur um skólann.
Fleiri verkefni sem tengjast vinnunni í Olweusar verkefninu munu væntanlega verða sýnileg á næstu misserum og vonandi taka sem flestir þátt í þessum verkefnum með nemendum og starfsfólki þannig að verkefnið nái að hafa áhrif sem víðast.
Á heimasíðu skólans má sjá myndir frá deginum.