Flugslysaæfing á Egilsstaðaflugvelli – leikarar óskast

Myndin er tekin af Facebooksíðu viðburðarins https://www.facebook.com/events/517231005386330/

Laugardaginn 29. september  verður haldin flugslysaæfing allra viðbragðsaðila á Austurlandi. Á slíkri æfingu er verið að láta reyna á samvinnu allra viðbragðsaðila á svæðinu: lögreglu, slökkviliðs, björgunarsveita, Rauða krossins og heilbrigðisstarfsmanna.

Til að æfing sem þessi nýtist sem best er nauðsynlegt að sem flestir „leikarar“ taki þátt. Er þeirra hlutverk að líkja eftir sjúklingum á vettvangi og fara eftir leiðbeiningum þeirra sem æfingunni stýra. Biðja viðbragðsaðilar alla sem mögulega geta tekið þátt að hafa samband við Óskar í tölvupósti á flugslys2018@gmail.com eða í síma 865-0999.

Á heimasíðu Isavia er hægt að lesa meira um flugslysaæfingar: https://www.isavia.is/fyrirtaekid/um-isavia/samfelag-og-umhverfi/samfelag/flugslysaaefingar