Fljótsdalshérað auglýsir styrki til menningarstarfs á árinu 2017

14.11.2016 kl. 10:50 Jóhanna Hafliðadóttir

Atvinnu- og menningarnefnd Fljótsdalshéraðs auglýsir til umsóknar styrki til menningarstarfs með umsóknarfresti til og með 16. desember 2016. Annars vegar er um að ræða verkefnastyrki og hins vegar styrki til almennrar liststarfsemi. Umsækjendur verða að tengjast Fljótsdalshéraði með búsetu, eða með því að viðburðurinn fari fram á Fljótsdalshéraði eða feli í sér kynningu á menningarstarfsemi á Fljótsdalshéraði. Afgreiðsla styrkumsókna mun liggja fyrir fyrir 1. febrúar 2017.

Umsækjendur er hvattir til að kynna sér Reglur um úthlutun menningarstyrkja Fljótsdalshéraðs á heimasíðu sveitarfélagsins. Þar má jafnframt sækja umsóknareyðublað.

Reglur um úthlutun menningarstyrkja Fljótsdalshéraðs
Umsókn um verkefnastyrk eða styrk til almennrar listastarfsemi