Fimleikastúlka frá Hetti valin í landsliðsúrtak

Valdís Ellen Kristjánsdóttir, 16 ára fimleikakona frá Hetti, hefur verið valin í 50 manna úrtakshóp 13-17 ára fyrir landslið Íslands í fimleikum.

Í vetur var haldin opin landsliðsæfing fyrir þá sem gáfu kost á sér í landsliðsverkefni hópfimleika á vegum Fimleiksambands Íslands árið 2012. Sendar voru út kröfur til fimleikafélaga sem iðkendur þurftu að uppfylla til að geta farið á æfinguna. Einn iðkandi frá fimleikadeild Hattar, Valdís Ellen Kristjánsdóttir, fór á Egilsstöðum.Í kjölfarið var hún valin í 50 manna hóp sem æfir saman fram í september en þá verða valdir 28 einstaklingar sem skipa tvö landslið í flokki 13-17 ára. Annars vegar kvennalið og hins vegar blandað lið.

Valdís Ellen, sem er fædd árið 1996, er fyrsta fimleikakonan á Austurlandi til að ná þessum árangri og er markmið hennar að komast í 28 manna hópinn.