Enginn strætó eftir hádegi ef af verkfalli verður

Verkfall Starfsgreinasambands Íslands hefst á hádegi ef samningar nást ekki fyrir þann tíma.

Verkfall hefur m.a. þær afleiðingar að akstur strætisvagns um Egilsstaði fellur niður eftir hádegi og einnig að ferðir Strætó milli Egilsstaða og Akureyrar falla niður í dag. Þá má búast við að verkfallið hafi áhrif á vinnustaði þar sem verkafólks á félagssvæði AFLs vinnur svo sem á veitinga- og gististöðum.

Samningafundur er boðaður klukkan 10 í dag en náist samningar ekki verður aftur boðað til verkfalls fimmtudag og föstudag í næstu viku.