Danskur danshópur með vinnustofu í Sláturhúsinu

Danskur danshópur, Hello Earth, kemur til Egilsstaða í dag, þriðjudag, og vinnur hér næstu þrjár vikur.  Hópurinn kemur hingað á vegum Wilderness dance (Dans í óbyggðum) en það er alþjóðlegt samstarf sem Menningarmiðstöð Fljótsdalshéraðs er hluti af.

Vonast er til er að hópurinn, sem í eru 5 manns, verði vel sýnilegur í samfélaginu því Hello Earth mun vinna í Sláturhúsinu , gista á gistihúsi í bænum og  borða í mötuneyti Menntaskólans.

Á þessu þriggja vikna tímabili verða haldnar vinnustofur "Workshop"  og viðburður sem vonast er að allt að 60 manns taki þátt í, bæði börn og fullorðnir.

Vonast er til að Héraðsbúar bregðist vel við þegar kallið kemur að taka þátt í viðburðinum. Einnig er þess óskað að skólar og leikskólar komi af eigin frumkvæði og kíkji í heimsókn  til hópsins.

Nánari upplýsingar er að finna á http://www.kedja.net/?page_id=1075 og í þessu myndbandi sem lýsir verkefninu eins og það var 2013 http://vimeo.com/77385880