Daði Fannar íþróttamaður Hattar árið 2010

Í gær, 6. janúar, fór fram þrettándagleði Fljótsdalshéraðs með aðeins breyttri dagskrá. Hætt var við kyndlagöngu og brennu en afhending verðlauna hjá Hetti og flugeldasýning var þrátt fyrir slæmt veður. Dagskrá hófst klukkan 17:30 í íþróttamiðstöðinni þar sem verðlaunaafhending íþróttamanna ársins var kynnt, en það gerði Björn Ingimarsson, bæjarstjóri Fljótsdalshéraðs ásamt formanni Hattar, Davíð Þór Sigurðarsyni sem sá um afhendinguna. Eftir afhendingu verðlaunanna fór fram glæsileg flugeldasýning sem Björgunarsveitin á Héraði sá um.

Íþróttamaður Hattar árið 2010 var Daði Fannar Sverrisson.Daði Fannar er efnilegur íþróttamaður sem stundar íþrótt sína af samviskusemi og dugnaði og sýnir fyrirmyndar framkomu jafnt í keppni sem og á æfingum. Hann er ávallt einbeittur og jákvæður og tekur sigrum jafnt sem ósigrum af yfirvegun. Daði Fannar varð Íslandsmeistari og unglingalandsmótsmeistari í spjótkasti 14 ára drengja ásamt því að komast í úrvalshóp FRÍ í sleggjukasti. Einnig vann hann til fjögurra annarra verðlauna á Íslandsmeistaramótinu. Hann var einnig valinn frjálsíþróttamaður Hattar þriðja árið í röð.

Í öðrum greinum voru eftirtaldir einstakilngar fyrir valinu þetta árið:
Blakmaður: Oddný Freyja Jökulsdóttir
Fimleikamaður: Valdís Ellen Kristjánsdóttir
Frjálsíþróttamaður: Daði Fannar Sverrisson
Knattspyrnumaður: Stefán Eyjólfsson
Körfuboltamaður: Andrés Kristleifsson
Sundmaður: Trausti Dagbjartsson.

Íþróttafélagið Höttur vill þakka eftirtöldum styrktaraðilum fyrir stuðninginn vegna framkvæmdar þrettándagleði 2010, Miðás, Hitaveita Egilsstaða og Fella, Landsbanki Íslands, Verkís og Mannvit.