Bókun Bæjarráðs Fljótsdalshéraðs vegna samgöngumála

Malarvegur á Austurlandi
Malarvegur á Austurlandi

Á fundi bæjarráðs Fljótsdalshéraðs 6. mars voru ræddar nýjustu upplýsingar um fjárveitingar í tengslum við samgönguáætlun 2015-2018, sem samþykkt var á nýliðnu hausti.

Bæjarráð Fljótsdalshéraðs telur það óásættanlegt að ekki sé staðið við nýsamþykkta samgönguáætlun.
Þau verkefni sem þar er að finna eru sannanlega engin gæluverkefni heldur bráðnauðsynleg úrbótaverkefndi á samgöngukerfi sem komið er að fótum fram.

Augljóst er að fjárveitingar til samgöngumála þurfa að minnsta kosti að vera 1,5% af vergri þjóðarframleiðslu, til að hægt sé að viðhalda og byggja upp samgöngukerfið eins og þörf er á.

Bæjarráð krefst þess að þingmenn kjördæmisins gangi þannig til verks að hægt verði að fara í nauðsynlegar og samþykktar samgönguframkvæmdir á Austurlandi á þessu ári og því næsta.