Bókasafnsdagurinn 8. september

Viðurkenningarnar eru í nýjum bókasafnspoka.

Bókasafnsdagurinn er haldinn hátíðlegur á almenningsbókasöfnum fimmtudaginn 8. september. Við á Bókasafni Héraðsbúa ætlum að nota tækifærið þann dag og afhenda 12 viðurkenningar til krakka sem tóku þátt í Sumarlestrinum á safninu.

Ótengdur aðili, þ.e. saklaus bókasafnsgestur, var fenginn til að draga nokkur laufblöð sem komu af bókatrénu góða og svo skemmtilega vildi til að lesandinn sem las mest í sumar var dreginn út fyrstur.

Við þökkum öllum þeim sem tóku þátt í sumarlestrinum og óskum þeim og öðrum skemmtilegs lestarveturs.