Björn Ingimarsson endurráðinn sem bæjarstjóri

Þann 15. júní sl. undirrituðu allir oddvitar þeirra framboða sem eiga fulltrúa í bæjarstjórn Fljótsdalshéraðs og Björn Ingimarsson, ráðningarsamning um að Björn sinni áfram stöðu bæjarstjóra næstu fjögur árin. Samningur þessi var síðan lagður fyrir nýja bæjarstjórn á fyrsta fundi hennar 24. júní og staðfestur þar af öllum bæjarfulltrúum.
Samningurinn er opinbert gagn og hefur verið birtur á heimasíðu sveitarfélagsins og er vistaður undir hnappnum Samþykktir. Þar verður hægt að skoða samninginn meðan hann er í gildi, líkt og var með fyrri samning við bæjarstjóra.