Auglýsing frá yfirkjörstjórn Fljótsdalshéraðs

Við Alþingiskosningar þann 29. október 2016 verður kjörstaður á Fljótsdalshéraði í Menntaskólanum á Egilsstöðum.

Auglýsing frá yfirkjörstjórn Fljótsdalshéraðs um kjörstað við Alþingiskosningar þann 29. október 2016.

Við Alþingiskosningar þann 29. október 2016 verður kjörstaður á Fljótsdalshéraði í;

Menntaskólanum á Egilsstöðum.
Kjörfundur hefst kl. 09.00 og lýkur kl. 22.00

Kjördeildir verða tvær. Í kjördeild nr. 1 verða íbúar á Egilsstöðum sem búa við götur, hverra nöfn byrja á bókstafnum A til og með bókstafnum R. Í kjördeild 2 verða íbúar á Egilsstöðum sem búa við götur, hverra nöfn byrja á bókstafnum S - Þ og íbúar í Fellabæ, Eiðum og Hallormsstað og í dreifbýli á Fljótsdalshéraði.

Kjörskrá vegna Alþingiskosninga 2016, mun liggja frammi almenningi til sýnis á skrifstofu sveitarfélagsins að Lyngási 12 á Egilsstöðum á opnunartíma skrifstofu frá 19. október til föstudagsins 28. október 2016.

Óskum um leiðréttingar á kjörskrá skal komið á framfæri við bæjarstjóra eins fljótt og unnt er. Tekið skal fram að óheimilt er að breyta kjörskrá ef tilkynning um nýtt lögheimili hafði ekki borist Þjóðskrá þann 24. september 2016.

Á kjördag, meðan atkvæðagreiðsla stendur yfir, mun yfirkjörstjórn hafa aðsetur sitt í Menntaskólanum á Egilsstöðum.

Talning atkvæða fyrir kjördæmið í heild fer fram á Akureyri á vegum Yfirkjörstjórnar Norð- austurkjördæmis.

Yfirkjörstjórn Fljótsdalshéraðs 17. október 2016.

Bjarni G Björgvinsson
Einar Rafn Haraldsson
Þórunn Hálfdánardóttir