Ársreikningur Fljótsdalshéraðs fyrir árið 2018 lagður fram til fyrri umræðu í bæjarstjórn Fljótsdalshéraðs þann 6. mars 2019 samþykktur og áritaður af bæjarráði og bæjarstjóra. Samkvæmt sveitarstjórnalögum skal fjalla um ársreikninginn á tveimur fundum í sveitarstjórn og er áætlað að síðari umræða fari fram miðvikudaginn 20. mars 2019.
Helstu niðurstöður.
- Rekstrarafkoma Fljótsdalshéraðs árið 2018 var jákvæð um 209 millj. kr. samkvæmt samstæðureikningi sveitarfélagsins en fjárhagsáætlun 2018 með viðaukum gerði ráð fyrir 222 millj. kr. rekstrarafgangi. Rekstarafkoma A hluta var jákvæð um 131 millj. kr. en fjárhagsáætlun með viðaukum gerði ráð fyrir 134 millj. kr. rekstarafgangi.
- Skuldaviðmið skv. samstæðureikningi Fljótsdalshéraðs er í árslok 2018 komið í 142% og er 8% undir þeim viðmiðum sem sett eru samkvæmt sveitarstjórnarlögum.
Nánari greinargerð ásamt ársreikingi er að finna hér á heimasíðunni
