Miðvikudaginn 24. maí 2017 verður Alþjóðlegi rathlaupadagurinn haldinn um allan heim, en markmið dagsins er að hvetja til hreyfingar úti í náttúrunni á skemmtilegan hátt og kynna rathlaupaíþróttina.
Rathlaup er hlaupaíþrótt sem stunduð er á opnum svæðum, bæði innan borgarmarka og utan þeirra. Þátttakendur fá kort af hlaupasvæðinu og eiga að fara á milli stöðva með aðstoð þess. Rathlaup er frábær skemmtun sem reynir allt í senn á hreyfingu, umhverfisvitund, rötun og samvinnu. Þátttakendur í rathlaupum geta tekið þátt á sínum eigin forsendum, enda ekki nóg að vera fljótur að hlaupa, heldur þarf að æfa rötun og kortalestur jafnóðum og þrek, úthald og tækni er æfð.
Í tilefni Alþjóðlega rathlaupadagsins verða settar upp í Selskógi nokkrar mismunandi brautir svo allir, jafnt börn sem fullorðnir, ættu að finna braut við sitt hæfi. Upphafsstaður rathlaupsins í Selskógi verður við útileikhúsið.
Hér er hægt að finna upplýsingar um viðburðinn í Selskógi.
Hér er hægt að finna upplýsingar um rathlaup.