Frá og með 11. júní 2012 verður hafin gjaldtaka fyrir almenningssamgöngur innan þéttbýlis á Fljótsdalshéraði.
Frá og með mánudeginum 11. júní gilda miðar og mánaðarkort í almenningssamgöngur á Fljótsdalshéraði einnig í flugvallarrútuna sem ekur á milli Egilsstaða og flugvallarins.
Bæði almenningsvagninn og flugvallarrútan stöðva við Íþróttamiðstöðina á Egilsstöðum og Landsbankann.
Veittur er systkinaafsláttur af mánaðarkortum. Afslátturinn nemur 25% af öðru korti og 50% af hinu þriðja.
Sé kort keypt fyrir fleiri mánuði er sami afsláttur, þ.e. 25% afsláttur er veittur af öðrum mánuði og 50% afsláttur af öllum mánuðum umfram það.
Ef keypt er þriggja mánaða kort kostar það kr. 7.900.- en tvö slík kort kosta kr. 13.800.- og þrjú kr. 17.700.- (miðað við systkinaafslátt).
Miðar og kort verða seld í Íþróttamiðstöðinni á Egilsstöðum, hjá N1 og á bæjarskrifstofum Fljótsdalshéraðs, Lyngási 12 frá og með 4. júní.