Vilja gönguleið umhverfis flugvöllinn

Á dagskrá fundar skipulags- og byggingarnefndar sem haldinn var í gær,  11. júlí, var nýtt deiliskipulag ISAVÍA við Egilsstaðaflugvöll. Umfjöllun var þó frestað þar sem ekki hafa enn borist umsagnir frá þeim opinberu aðilum sem málið varðar. Meðal gagna í málinu var undirskriftalisti á þriðja hundrað íbúa, sem Broddi Bjarnason talsmaður hópsins afhenti bæjarstjóra nýlega. Þar er skorað á ISAVÍA og skipulagsyfirvöld að gera ráð fyrir gönguleið umhverfis flugvöllinn í deiliskipulaginu. Þá þyrfti reyndar líka að koma til breyting á aðalskipulagi sveitarfélagsins.  Sömu leiðis þarf að skoða allar öryggiskröfur og fá heimild landeiganda.