Tilkynning frá aðgerðastjórn 15.maí

Þrír eru nú í sóttkví á Austurlandi. Engin þekkt smit og því enginn í einangrun.

Talning þeirra sem eru í sóttkví í fjórðungnum – mismunur á fjölda

Nokkur munur hefur verið á uppgefnum tölum aðgerðastjórnar um þá sem eru í sóttkví á Austurlandi og sambærilegum tölum á COVID.IS. Ástæða þessa er sú að aðgerðastjórn hefur einungis talið þá sem eru í sóttkví á Austurlandi án tillits til þess hvort þeir eru þar með skráða búsetu. Þá hefur aðgerðastjórn ekki talið með þá sem eru í sóttkví B sem kom síðar og er af örlítið öðrum meiði. Þetta hefur skapað umræður og því ástæða til að skýra hér.

Aðgerðastjórn mun, þar til annað verður ákveðið, hætta að gefa upp tölur um sóttkví enda hafa þær verið lágar og ekki tengst smitum nú í nokkurn tíma. Áhugasamir geta því nálgast tölur á COVID.IS sem gefa þá vísbendingar um fjölda hér á svæðinu.