Pétur og úlfurinn í Selskógi

Leikfélag Fljótsdalshéraðs er um þessar mundir að æfa leikritið Pétur og úlfinn. Stefnt er á að frumsýna verkið í Selskógi 19.júlí nk.

Sýningin er sett upp í samstarfi við Samfélagssjóð Alcoa og Vinnuskóla Fljótsdalshéraðs en leikarar eru allir á grunnskólaaldri.

Leiksstjóri verksins er Pétur Ármannsson en hann semur einnig í samstarfi við leikhópinn leikgerð við þetta magnaða tónverk.

Myndin er frá æfingu í Selskógi. Á henni er hluti leikhópsins ásamt Pétri Ármannssyni leiksstjóra og Brogan Jayne Davison sem aðstoðar við dans og hreyfingar.