Auglýst eftir umsóknum úr Atvinnumálasjóði Fljótsdalshéraðs

Auglýstir eru til umsóknar styrkir úr Atvinnumálasjóði Fljótsdalshéraðs, með umsóknarfresti til og með 31. janúar 2020. 

Markmið sjóðsins er að efla atvinnutengda starfsemi og búsetu á Fljótsdalshéraði og er honum ætlað að ná tilgangi sínum m.a. með því að veita styrki til verkefna einstaklinga, fyrirtækja og stofnana er lúta að atvinnusköpun og atvinnuþróun, hagnýtum rannsóknum og framþróun annarra samfélagsþátta sem áhrif geta haft á atvinnustarfsemi og búsetu í sveitarfélaginu.

Umsækjendur eru hvattir til að kynna sér úthlutunarreglur hér á heimasíðu Fljótsdalshéraðs.

Sótt er um styrk með rafrænum hætti á Íbúagátt sveitarfélagsins og fer innskráning þar fram með rafrænum skilríkjum eða Íslykli.

Skrifstofustjóri Fljótsdalshéraðs