Bæjarstjórn Fljótsdalshéraðs

Í ljósi umræðna undanfarið um flutning ríkisstofnana út á landsbyggðina tekur bæjarstjórn undir með atvinnu- og menningarnefnd um mikilvægi þess að opinberar stofnanir séu staðsettar víða um landið. Bæjarstjórn telur mikilvægt að vandað sé til verka þannig að flutningurinn gagnist bæði stofnuninni og samfélaginu sem best. Annars er hætta á að aðgerðin skili ekki þeim árangri sem til er ætlast. Bæjarstjórn kallar eftir stefnu stjórnvalda með fjölgun opinberra starfa á landsbyggðinni.

Varðandi hugmyndir um flutning Rarik frá Reykjavík, vill bæjarstjórn benda á að um og yfir 82% af allri raforkuframleiðslu fyrirtækisins og dótturfélags þess er á Fljótsdalshéraði. Rarik hefur verið með nokkuð mannmarga starfsstöð í sveitarfélaginu, en undanfarin ár hefur störfum þar fækkað jafnt og þétt. Því er það mat bæjarstjórnar að efla eigi starfsemi fyrirtækisins enn frekar með markvissum hætti og fjölga störfum þess á Fljótsdalshéraði.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn að boða til sín framkvæmdastjóra, formann og varaformann stjórnar Rarik til að ræða hvernig efla megi starfsstöð Rarik á Egilsstöðum.

Samþykkt samhljóða með handauppréttingu.

Á fundinn atvinnu- og menningarnefndar undir þessu lið mættu Jóna Árný Þórðardóttir og Björg Björnsdóttir frá Austurbrú og gerðu grein fyrir stöðu vinnu við gerð uppbyggingarsjóðs landshluta, en undir hann falla vaxtarsamningur, sóknaráætlun og menningarsamningur.
Fram koma að sóknaráætlun verður endurskoðuð fyrir 1. maí 2015.

Eftirfarandi tillaga lögð fram:
Bæjarstjórn tekur undir með atvinnu- og menningarnefnd og hvetur SSA og Austurbrú til að stuðla að því, í tengslum við það, að gerð verði vönduð innviðagreining innan Austurlands, þ.á.m. úttekt um þróun atvinnulífs síðast liðin 8-10 ár, eftir sveitarfélögum á Austurlandi og stöðu mismunandi atvinnugreina í dag. Það er mat bæjarstjórnar að staða hinna ýmsu greina atvinnulífsins á Austurlandi sé mjög mismunandi og sum svæði eða sveitarfélög eigi undir högg að sækja á meðan önnur dafna vel. Skilgreining svæða í vaxtarsvæði getur gefið mjög villandi mynd af stöðu atvinnulífsins innan einstakra sveitarfélaga, og því er úttekt, eins og hér er lagt til að verði gerð, mikilvæg.

Samþykkt samhljóða með handauppréttingu.

Fyrir liggja drög að samningi milli Fljótsdalshéraðs, Þjónustusamfélagsins á Héraði og Austurfarar um rekstur Egilsstaðastofu upplýsingamiðstöðvar.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn fyrirliggjandi drög fyrir sitt leyti. Bæjarstjórn samþykkir einnig að Gunnar Þór Sigbjörnsson verði fulltrúi sveitarfélagsins í samstarfsnefnd.

Samþykkt samhljóða með handauppréttingu.

Fyrir liggja drög að samningi milli Fljótsdalshéraðs og Austurfarar ehf. um tjaldsvæðið á Egilsstöðum.

Eftirfarandi tillaga lögð fram:
Bæjarstjórn samþykkir að vísa drögunum aftur til atvinnu- og menningarnefndar til frekari vinnslu.

Samþykkt samhljóða með handauppréttingu.

Fyrir liggja drög að samningi milli Fljótsdalshéraðs og Þjónustusamfélagsins á Héraði, félagi verslunar-, ferðaþjónustu- og þjónustuaðila.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn fyrirliggjandi drög að samningi.

Samþykkt samhljóða með handauppréttingu.

Fyrir liggur bréf frá Landsneti vegna gagnaöflunar fyrir kerfisáætlun 2015-2024. Þar er óskað eftir upplýsingum um áform í sveitarfélaginu um orkufreka starfsemi á matstímabilinu.

Eftirfarandi tillaga lögð fram:
Bæjarstjórn tekur undir með atvinnu- og menningarnefnd og vekur athygli á því að núverandi staða á afhendingu raforku á Fljótsdalshéraði er óviðunandi og hefur neikvæð áhrif á rekstur fyrirtækja og hamlar almennri atvinnuuppbyggingu. Bæjarstjórn telur afar brýnt að tryggð verði meiri raforka inn á svæðið til nauðsynlegra fjárfestinga í atvinnulífinu.

Samþykkt samhljóða með handauppréttingu.

Fyrir liggja drög að samkomulagi milli Fljótsdalshéraðs, Afls starfsgreinafélags, AN lausna og Austurbrúar um Hugvang frumkvöðlasetur.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn fyrirliggjandi drög að samkomulagi fyrir sitt leyti. Bæjarstjórn samþykkir að Þórður Mar Þorsteinsson verði fulltrúi sveitarfélagsins í stjórn frumkvöðlasetursins.

Samþykkt samhljóða með handauppréttingu.

Á fundi atvinnu- og menningarnefndar gerði Ragnhildur Rós Indriðadóttir grein fyrir stöðu verkefnisins um mótun menningarstefnu sveitarfélagsins.

Eftirfarandi tillaga lögð fram:
Bæjarstjórn hvetur íbúa sveitarfélagsins til að mæta á fyrirhugaðan vinnufund um stefnuna, sem auglýstur verður fljótlega og taka þátt í mótun hennar.

Samþykkt samhljóða með handauppréttingu.

Eftirfarandi tillaga lögð fram:
Bæjarstjórn tekur undir með umhverfis- og framkvæmdanefnd og samþykkir að halda skuli óbreyttu þjónustustigi og leggur áherslu á að samið verði við bændur um að ryðja tilteknar heimreiðar. Forstöðumanni falið að láta uppfæra snjóhreinsunarkortin og leggja fyrir næsta reglulega fund nefndarinnar.

Samþykkt samhljóða með handauppréttingu.

Lagt fram til kynningar.

Lagt fram til kynningar.

Fundargerðin staðfest.

Afgreiðsla byggingarfulltrúa staðfest.

Afgreiðsla byggingarfulltrúa staðfest.

Afgreiðsla byggingarfulltrúa staðfest.

Afgreiðsla byggingarfulltrúa staðfest.

Afgreiðsla byggingarfulltrúa staðfest.

Afgreiðsla byggingarfulltrúa staðfest.

Í vinnslu.

Í vinnslu.

Lögð er fram tillaga að deiliskipulagi, Hátungur Vatnajökulsþjóðgarði. Tillagan er sett fram á uppdrætti dags. 02.01. 2015 og í greinargerð og umhverfisskýrslu dagsett 01.11. 2013 og felur m.a. í sér skipulag fyrir landvarðarhús, salernisaðstöðu.
Tillagan hefur verið kynnt samkvæmt 40.gr. Skipulagslaga nr.123/2010.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn framlagða tillögu og leggur til við bæjarstjórn að hún verði auglýst skv. 41. gr. skipulagslaga nr. 123/2010.

Samþykkt samhljóða með handauppréttingu.

Lögð er fram breyting á Aðalskipulagi Fljótsdalshéraðs 2008-2028, Kröflulína 3 þar sem brugðist hefur verið við athugasemdum skipulagsstofnunar í erindi dagsett 17.12. 2014.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn framlagða tillögu og felur skipulags- og byggingarfulltrúa að senda Skipulagsstofnun tillöguna til meðferðar samkvæmt 32. gr. skipulagslaga nr. 123/2010.

Samþykkt samhljóða með handauppréttingu.

Lögð er fram tillaga að breytingu á aðalskipulagi Fljótsdalshéraðs 2008-2028 dagsett 09.01. 2015, tillagan felur m.a. í sér að við töflu 2, kafla 9.8 í greinargerð aðalskipulagsins, þar sem fjallað er um frístundabyggð, bætist ein lína: F61 Hvammur 2. Jafnframt er bætt við hringtákni á sveitarfélagsuppdrátt B sem sýnir staðsetningu ákvæðisins og aðkomuleið sýnd. Tillagan hefur verið kynnt skv. ákv. 30. gr. skipulagslaga nr. 123/2010.
Tillagan hefur verið leiðrétt vegna athugasemda Skipulagsstofnunar.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn framlagða tillögu og að hún verði auglýst skv. 31. gr. skipulagslaga nr. 123/2010.
Tillagan verði auglýst samhliða tillögu að deiliskipulagi.

Samþykkt samhljóða með handauppréttingu.

Lögð er fram greinargerð (skipulagslýsing) vegna deiliskipulags fyrir Grímsárvirkjun, vegna áforma um byggingu aðveitustöðvar.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn framlagða lýsingu og felur skipulags- og byggingarfulltrúa að leita umsagna Skipulagsstofnunar og umsagnaraðila og kynna fyrir almenningi samkvæmt 40.gr.skipulagslaga nr. 123/2010.

Samþykkt samhljóða með handauppréttingu.

Erindi dagsett 17.09. 2014 þar sem Vegagerðin tilkynnir um fyrirhugaða niðurfellingu Fremri Galtastaðavegar nr. 927-01, af vegaskrá.
Málið var áður á dagskrá 08.10. 2014.
Fyrir liggur erindi frá Vegagerðinni dagsett 30.12. 2014.

Eftirfarandi tillaga lögð fram:
Vísar er í afgreiðslu umhverfis- og framkvæmdanefndar frá 08.10. 2014. Bæjarstjórn tekur undir með nefndinni og leggur áherslu á að ákvörðunin um niðurfellingu verði dregin til baka þegar starfsemi hefst aftur á Galtastöðum Fram.
Gæta þarf þess að niðurfellingin verði ekki til þess að hindra að starfsemin hefjist að nýju.
Að öðru leyti lagt fram til kynningar.

Samþykkt samhljóða með handauppréttingu.

Bæjarstjórn minnir á fyrirhugaðan fund um landsskipulagsstefnu 2015-2026, sem haldinn verður á Hótel Héraði 27. janúar nk.

Í vinnslu.

Í vinnslu.

Lagt fram til kynningar.

Fyrir liggur erindi frá Landsnet hf. kt.580804-24109 þar sem vakin er athygli á matslýsingu vegna kerfisáætlunar 2015-2024, sem aðgengileg er á heimasíðu fyrirtækisins landsnet.is.
Einnig er óskað eftir upplýsingum um áform sveitarfélagsins um atvinnuuppbyggingu skv. aðalskipulagsáætlunum eða annarri stefnumörkun sem liggur fyrir. Fyrst og fremst er óskað eftir upplýsingum um orkufreka starfsemi.

Eftirfarandi tillaga lögð fram:

Bæjarstjórn tekur undir bókun umhverfis- og framkvæmdanefndar sem er ekki kunnugt um nein áform um orkufrekan iðnað í sveitarfélaginu. Hins vegar skal á það bent að í Aðalskipulagi Fljótsdalshéraðs 2008-2028 er gert ráð fyrir svæðum sem hentað gætu undir slíka starfsemi.
Bæjarstjórn bendir þó á að núverandi staða á afhendingu raforku á Fljótsdalshéraði er óviðunandi og hefur neikvæð áhrif á rekstur fyrirtækja og hamlar almennri atvinnuuppbyggingu. Bæjarstjórn telur afar brýnt að tryggð verði meiri raforka inn á svæðið til nauðsynlegra fjárfestinga í atvinnulífinu.

Samþykkt samhljóða með handauppréttingu.

Eftirfarandi tillaga lögð fram:
Bæjarstjórn staðfestir afgreiðslu umhverfis- og framkvæmdanefndar.

Samþykkt samhljóða með handaupptéttingu.

Lögð er fram tillaga að deiliskipulagi, Deiliskipulag Miðás (suður, Brúnás), sem afmarkast eins og fram kemur á uppdrætti. Tillagan er sett fram á uppdrætti og í greinargerð dags. 13.01. 2015 og felur í sér breytingu á deiliskipulagi fyrir suðurhluta Miðáss og Brúnáss.

Eftirfarandi tillaga lögð fram:
Umhverfis og framkvæmdanefnd metur tillöguna sem óverulega breytingu á deiliskipulaginu fyrir Miðás.
Að tillögu umhverfis- og framkvæmdanefndar samþykkir
bæjarstjórn að tillagan verði sett í grenndarkynningu samkvæmt 43. gr. Skipulagslaga nr. 123/2010, þegar gerðar hafa verið viðeigandi leiðréttingar á texta.

Samþykkt samhljóða með handauppréttingu.

Lögð fram drög að samningi um akstur almenningssamgangna 2015.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn framlagðan samning og felur starfsmanni umhverfis og framkvæmdanefndar að ljúka málinu.

Samþykkt samhljóða með handauppréttingu.

Í vinnslu.

Í vinnslu.

Í vinnslu.

Eftirfarandi tillaga lögð fram:
Bæjarstjórn hvetur fulltrúa í fræðslunefnd og aðra þá sem um þessi mál fjala til að sitja umrætt námskeið, en það hefur verið boðað 22. febrúar nk.

Samþykkt samhljóða með handauppréttingu.

Stefán Bogi Sveinsson lagði fram eftirfarandi tillögu fh. B-listans.

"Bæjarstjórn samþykkir fram komna beiðni um skólaakstur tveggja grunnskólanemenda frá Refsmýri í Fellum í Egilsstaðaskóla til loka skólaársins 2014-2015, enda er samkvæmt fyrirliggjandi gögnum um sérstakar aðstæður að ræða. Fræðslufulltrúa er falið að semja við forráðamenn nemendanna um framkvæmd skólaakstursins."

Tillagan borin upp til atkvæða.
3 greiddu tillögunni atkvæði (SBS, GI og PS) 4 greiddu atkvæði á móti (S.Bl. AA. GSK og ÞÞ ) og tveir sátu hjá (GJ og RRI) Tillagan því felld.


Eftirfarandi tillaga lögð fram.
Bæjarstjórn staðfestir afgreiðslu fræðslunefndar á umsókninni.

Samþykkt með 7 atkv. en 2 sátu hjá (G.J. og RRI)
Gunnar Jónsson gerð grein fyrir atkvæði sínu:

Stefán Bogi Sveinsson gerði grein fyrir atkvæði sínu og lagði fram eftirfarandi bókun:

"Bæjarfulltrúar B-lista lögðu fram tillögu um að koma frekar til móts við fram komna beiðni um skólaakstur en gert er með þessari tillögu. Þar sem sú tillaga var felld greiðum við þessari tillögu þó atkvæði okkar þar sem betra er að koma að einhverju leyti til móts við erindið en alls ekki."

Lagt fram til kynningar.

Til kynningar.

Í vinnslu.

Í vinnslu.

Fyrir liggur minnisblað frá Eflu verkfræðistofu, dagsett 18. nóvember 2014, um úttekt á möguleikum þess að nota kjallara fjölnotahússins í Fellabæ fyrir hópfimleika. Fram kemur í henni að aðstaðan hentar ekki fyrir slíka starfsemi.

Eftirfarandi tillaga lögð fram:
Bæjarstjórn tekur undir með íþrótta- og tómstundanefnd er sammála þessari niðurstöðu.

Samþykkt samhljóða með handauppréttingu.

Í vinnslu.

Fyrir liggur styrkumsókn frá Hestamannafélaginu Freyfaxa, undirrituð af Bjarka Þorvaldi Sigurbjartssyni, vegna fjórðungsmóts hestamanna árið 2015. Málið var áður á dagskrá nefndarinnar 22. nóvember 2014.

Eftirfarandi tillaga lögð fram:
Að tillögu íþrótta- og tómstundanefndar samþykkir bæjarstjórn að veittur verði styrkur að upphæð kr. 100.000 til Freyfaxa vegna fjórðungsmótsins, sem tekin verði af lið 06.89. Vegna óska félagsins um framlag í formi vinnu vinnuskólans beinir bæjarstjórn því til umhverfis- og framkvæmdanefndar að taka málið til skoðunar.

Samþykkt samhljóða með handauppréttingu.

Fyrir liggur styrkumsókn, undirrituð af Dagbjörtu Kristinsdóttur, vegna ferðakostnaðar Kristins Más Hjaltasonar á æfingar með drengjalandsliði Íslands í hópfimleikum og keppni á Evrópumeistaramóti í Laugardalshöll 15. - 17. október 2014.
Málið var áður á dagskrá nefndarinnar 22. nóvember 2014.

Eftirfarandi tillaga lögð fram:
Að tillögu íþrótta- og tómstundanefndar samþykkir bæjarstjórn að veittur verði styrkur að upphæð kr. 50.000 vegna ferðakostnaðar Kristins á landsliðsæfingar og Evrópumeistaramótið, sem verði tekið af lið 06.89.

Samþykkt samhljóða með handauppréttingu.

Kynningarfundur um hugmyndir um sameiginlega félagsmiðstöð, sbr. bókun bæjarstjórnar 17. september 2014.

Eftirfarandi tillaga lögð fram:
Að tillögu íþrótta- og tómstundanefndar samþykkir bæjarstjórn að kynningarfundur um hugmyndir um sameiningu félagsmiðstöðvanna verði haldinn fyrir 10. mars 2015. Starfsmanni íþrótta- og tómstundanefndar falið að undirbúa fundinn.

Samþykkt samhljóða með handauppréttingu.

Á fundi íþrótta- og tómstundanefndar var kynnt ráðning Öddu Steinu Haraldsdóttur í starf tómstunda- og forvarnafulltrúa hjá Fljótsdalshéraði.

Eftirfarandi tillaga lögð fram:
Bæjarstjórn bíður Öddu Steinu velkomna til starfa og væntir mikils af henni í nýju starfi tómstunda- og forvarnafulltrúa.

Samþykkt samhljóða með handauppréttingu.

Í vinnslu.

Á fundi náttúruverndarnefndar voru kynntar ályktanir aðalfundar SSA 2014, sem snúa að náttúruverndarnefnd.

Eftirfarandi tillaga lögð fram:
Bæjarstjórn tekur undir með náttúruverndarnefnd og hvetur til þess að staðið verði við gefin fyrirheit og umhverfismálum verði helgaður sérstakur liður á dagskrá næsta aðalfundar SSA.
Bæjarstjórn og náttúruverndarnefnd taka einnig undir með SSA og hvetja ríkisvaldið til að leggja til mun meiri fjármuni til uppbyggingar á friðlýstum svæðum, þannig að sveitarfélög sjái sér í ríkara mæli hag í því að taka að sér umsjá og rekstur slíkra svæða.

Samþykkt samhljóða með handauppréttingu.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Eftirfarandi tillaga lögð fram:
Bæjarstjórn staðfestir tilnefningu náttúruverndarnefndar á Esther Kjartansdóttur sem fulltrúa Fljótsdalshéraðs í stjórn Náttúrustofu Austurlands og Þórhildar Þ. Pétursdóttur sem varamanns hennar.

Samþykkt samhljóða með handauppréttingu.

Lagt fram til kynningar.