Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir nokkur atriði varðandi rekstur sveitarfélagsins á síðasta ári.

Lögð fram drög að greinargerð til eftirlitsnefndar um fjármál sveitarfélaga, sem nefndin óskaði eftir að fá þegar bæjarstjóri og fjármálastjóri funduðu með nefndinni í desember sl. og kynntu nefndinni fjárhagsáætlun Fljótsdalshéraðs 2014 og þriggja ára áætlun. Greinargerðin fjallar um breytingar á áætluðum kostnaði vegna byggingar hjúkrunarheimilis og kaupa Dvalarheimilis aldraðra á 14 íbúðum.

Í vinnslu.

Fundargerðin staðfest.

Fundargerðin staðfest.

Gunnhildur Ingvarsdóttir formaður fræðslunefndar sat fundinn undir afgreiðslu fundargerðar skólanefndar Hallormsstaðaskóla.

Fundargerðin staðfest.

Fundargerðin staðfest.

Fundargerðin lögð fram til kynningar.

Með vísan í lið 4 í fundargerð samgöngunefndar hefur bæjarráð óskað eftir fundi með Vegagerðinni á Reyðarfirði til að ræða m.a. vetrarþjónustu og mismunandi þjónustu milli þjónustusvæða.

Fundargerðin lögð fram til kynningar að öðru leyti.

Fundargerðin lögð fram til kynningar.

Eftirfarandi tillaga lögð fram:
Varðandi lið 1, Gjaldskrármál og álagning 2014, staðfestir bæjarráð tillögur stjórnar HEF að breytingum.

Í fyrsta lagi er það gjaldskrá vatnsveitu sem er óbreytt nema að því leyti að 20% regla vegna afsláttar er aflögð og fast gjald fyrir sumarhús verður 20.900 kr.
Í öðru lagi er það gjaldskrá vegna fráveitu. Hún tekur breytingum miðað við breytingu á byggingarvísitölu, eins og ákvarðað er í gjaldskránni.
Þá verður álagningarprósenta holræsagjalds óbreytt.

Bæjarráð hefur verið boðað til kynningarfundar föstudaginn 24. janúar nk. á Hótel Héraði.

Að öðru leyti lagt fram til kynningar.

Lagt fram til kynningar.

Á fundinn mættur Óðinn Gunnar Óðinsson atvinnu- menningar og íþróttafulltrúi og Haddur Áslaugsson umsjónarmaður tölvumála og kynntu hugmyndir að rafrænu upplýsinga- og samskiptakerfi fyrir íbúa, sem sum sveitarfélög hafa þegar tekið upp og tengjast heimasíðum þeirra. Óðinn vann td. að þessum málum hjá Reykjavíkurborg, þegar hann starfaði þar fyrir nokkrum misserum. Lögðu þeir m.a. fram upplýsingar um kostnað við uppsetningu og þjónustugjöld og fræddu fundarmenn um tilgang og möguleika kerfisins. Hjá Hafnarfirði heitir svona síða Betri Hafnarfjörður og Betri Reykjavík hjá Reykjavíkurborg.

Eftirfarandi tillaga lögð fram:
Bæjarráð lýsir sig hlynnta hugmyndinni og felur skrifstofustjóra að vinna frekari útfærslu að verkefninu.
Samþykkt samhljóða með handauppréttingu.

Í bréfi frá Skipulagsstofnun dagsettu 19. desember sl. er kynnt sú niðurstaða hennar að framkvæmd vegna fyrirhugaðrar færslu óss Jöklu og Lagarfljóts skuli ekki háð mati á umhverfisáhrifum.
Fram kom að fyrir liggur einnig leyfi Fiskistofu og mun skipulags- og byggingafulltrúi gefa út framkvæmdaleyfi fh. Fljótsdalshéraðs nú á næstu dögum.
Bæjarráð hvetur Landsvirkjun til að fara í framkvæmdina um leið og öll leyfi liggja fyrir og tök verða á, þannig að henni verði lokið áður en vatnsrennsli eykst í Jöklu og Lagarfljóti vegna vorleysinga.

Lögð fram drög að umsögn Sambands íslenskra sveitarfélaga við frumvarpi til laga um meðhöndlun úrgangs.

Bæjarráð tekur fyrir sitt leyti undir athugasemdir sambandsins við frumvarpið.

Lögð fram tilkynning frá Forsætisráðuneytinu, dagsett 23. des. 2013 um veitingu styrks að fjárhæð 5.000.000 kr. til lagfæringa og skráninga friðaðra veghleðslna á Breiðdalsheiði.
Bæjarráð fagnar því að verkefnið hefur hlotið styrk og óskar eftir því að menningar- og íþróttanefnd vinni tillögu að því hvernig fjármagninu verði ráðstafað.

Lagður fram tölvupóstur frá Óla Grétari Blöndal Sveinssyni frá 3. janúar 2014, með upplýsingum um fyrirhugaðan opinn fund á Egilsstöðum um áhrif Kárahnjúkavirkjunar.

Bæjarráð fagnar því að umræddur kynningarfundur er nú kominn á dagskrá og leggur til að hann hefjist kl. 15.00 þriðjudaginn 28. janúar nk.

Lögð fram og rædd þau erindi sem bárust bæjarfulltrúum og bæjarstjóra á Barradeginum 14. des. sl.
Bæjarstjóra falið að koma þeim í vinnslu hjá viðkomandi nefndum og starfsmönnum sveitarfélagsins.

Fyrir fundinum lágu drög að samningum vegna breytts eignarhalds að safnahúsinu og drög að leigusamningum safnanna.
Einnig var lagt fram bréf frá forstöðumanni Héraðsskjalasafnins, þar sem fram kemur að stjórn safnsins treystir sér ekki til að boða til auka aðalfundar um tillögu að breyttu eignarhaldi safnahússins nú í fjórðu viku janúar, eins og óskað hefur verið eftir af aðildarsveitarfélögum safnsins.

Aðkallandi er að fá niðurstöðu í mál varðandi eignarhald safnahússins á Egilsstöðum, eins og sameiginlegur fundur stjórna og safnstjóra Minja- og Héraðsskjalasafnanna sem haldinn var á Egilsstöðum 18. mars 2010 bókaði.
Bæjarráð Fljótsdalshéraðs ítrekar sameiginlega ósk aðildarsveitarfélaga safnanna um að boðaður verði aukaaðalfundur Héraðsskjalasafnsins með lögformlegum hætti, eins og farið var fram á 11. desember sl.

Bæjarráð samþykkir fyrirliggjandi drög að samningi um breytt eignarhald og leigusamningum Héraðsskjalasafnsins og Minjasafnsins.