Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og kynnti upplýsingar úr bókhaldinu.

Fram kom að fulltrúar Landsvirkjunar hafa óskað eftir því að fá að koma til fundar með fulltrúum Fljótsdalhéraðs að morgni þriðjudags 7. maí nk. Bæjarstjóra falið að undirbúa fund bæjarráðs og Landsvirkjunar á umræddum tíma.

Vegna óskar sveitarstjórnar Fljótsdalshrepps um fund um málefni Hallormsstaðaskóla er bæjarstjóra falið að undirbúa slíkan fund í tengslum við fund bæjarstjórnar á Hallormsstað miðvikudaginn 8. maí nk.

Guðlaugur Sæbjörnsson fjármálastjóri sat fundinn undir þessum lið og kynnti m.a. fyrstu samantekt sína á drögum að fjárhagsramma vegna fjárhagsáætlunar 2014, á grundvelli tillagna frá nefndum.

Einnig lágu fyrir fundinum þær tillögur sem fyrir liggja frá nefndum um forgangsröðum framkvæmda og stærri viðhaldsverkefna næstu ár, sem bæjarstjórn óskaði eftir að nefndirnar skiluðu frá sér fyrir páska.

Að lokinni frumkynningu samþykkti bæjarráð með handauppréttingu að vísa tillögunum til áframhaldandi vinnslu hjá fjármálastjóra og síðan til skoðunar á næsta fundi bæjarráðs.

Fundargerðin staðfest.

Varðandi lið 2 c lagnaleið stofnlagnar frá Smiðjuseli að Lagarfljótsbrú og hugmyndir um að leggja samtímis göngustíg með þjóðveginum og tengja það sama verki.

Bæjarráð samþykkir samhljóða með handauppréttingu að fela skipulags- og byggingarfulltrúa, í samráði við HEF, að vinna umsókn til Vegagerðarinnar vegna gerðar á göngustíg meðfram þjóveginum frá Smiðjuseli að Lagarfljótsbrú. Málinu að öðru leyti vísað til skipulags- og mannvirkjanefndar til meðferðar og afgreiðslu.

Fundargerðin að öðru leyti lögð fram til kynningar.

Fundargerðin lögð fram til kynningar.

Varðandi lið K1, bréf frá stjórn húsfélagsins um ónæði sem íbúar hússins verða fyrir vegna hávaða sem berst um húsið frá starfsemi í Hlymsdölum, er málinu vísað til félagsmálanefndar til umfjöllunar.

Varðandi lið K2, bréf frá stjórn húsfélagsins um skort á bílastæðum og hugmyndir um að taka aftur hluta svæðisins sem minigolfið var sett niður á og breyta því í bílastæði, uppsetningu leiðbeiningarskilta og fl., er málinu vísað til skipulags- og mannvirkjanefndar til meðferðar.

Fundargerðin lögð fram til kynningar

Lagt fram erindi frá Sláturfélagi Austurlands, dags. 11. apríl 2013, með boði á aðalfund félagsins föstudaginn 26. apríl næstkomandi.

Bæjarráð samþykkir samhljóða með handauppréttingu að Stefán Bogi Sveinsson fari með umboð og atkvæði Fljótdalshéraðs á fundinum.

Lagðar fram greinargerðir frá Helgu Guðmundsdóttur og Frey Ævarssyni, varðandi skólaakstur og almenningssamgöngur hjá Fljótsdalshéraði.

Eftir skoðun gagnanna og umræður um þau var samþykkt samhljóða með handauppréttingu að óska eftir að þau Helga og Freyr mæti á næsta fund bæjarráðs og fari betur í gegn um greinargerðina og bakgögn hennar.

Lagður fram tölvupóstur, dags.16.apríl 2013 frá Gunnar Jónssyni í Fjarðabyggð, þar sem hann kynnir atvinnulífsráðstefnu í Molde í Noregi 11.-12. júní n.k.

Bæjarráð frestar ákvörðun um þátttöku þar til dagskrá liggur fyrir.

Bæjarráð samþykkir samhljóða með handauppréttingu tillögu fræðslunefndar um fyrirkomulag og kostnað vegna viðbótar starfsmannafunda sem haldnir verða í leikskólanum Tjarnarskógi til að ljúka stefnumótun vegna sameiningar leikskólanna tveggja.

Lagður fram tölvupóstur frá Ívari Pálssyni hrl., lögmanni ÍAV, þar sem gerð er grein fyrir fundum sem haldnir hafa verið með öðrum aðilum sem að málinu koma

Bæjarráð ítrekar nauðsyn þess að þegar verið fundin lausn á yfirstandandi vanda íbúa og eigenda eigna í Votahvammi. Það er algerlega óásættanlegt að þeir aðilar sem enga ábyrgð bera á þeim göllum sem eru á eignunum, þurfi að bíða lengur til að hljóta úrlausn sinna mála.

Gerð grein fyrir þeim erindum sem bárust í síðasta viðtalstíma bæjarfulltrúa, en þar tóku Eyrún Arnardóttir og Karl Lauritzson á móti íbúum.

Bæjarráð samþykkir að fela bæjarstjóra að koma erindunum til meðferðar hjá viðkomandi nefndum og starfsmönnum.

Bæjarráð samþykkir tillögu byggingarnefndar um að gengið verði til samninga við lægstbjóðendur í verkin húsbyggingu (HJE-02) og lóðarfrágang (HJE-03) á grundvelli tilboða viðkomandi og frávikstilboða, enda eru tilboð viðkomandi umtalsvert lægri en tilboð næstbjóðenda.

Bæjarstjóra falið að hefja samningaviðræður við VHE ehf. vegna verks HJE-02 og Grástein ehf. vegna verks HJE-03.

Samþykkt samhljóða með handauppréttingu.