Umhverfis- og framkvæmdanefnd

Framhald á vinnu við fjárhagsáætlun 2020.

Í vinnslu.

Erindi frá Hollvinasamtökum Hjaltalundar vegna ástands á mannvirki.

Frestað til næsta fundar að ósk Hollvinasamtaka Hjaltalundar.

Bæjarráð óskar eftir því að Umhverfis- og framkvæmdanefnd taki samtal við forsvarsmenn Hollvinasamtaka um þá möguleika sem liggja fyrir varðandi endurbætur á Hjaltalundi og framtíðarnýtingu hússins tengda Út-Héraðsverkefninu.

Frestað til næsta fundar að ósk Hollvinasamtaka Hjaltalundar

Til umfjöllunar er samantekt á varmadælulausnum fyrir Brúarás.

Umhverfis- og framkvæmdanefnd leggur til við bæjarstjórn að leitað verði tilboða um jarðborun og varmadælulausn sem gengur út á vatn í vatn við Brúarásskóla.

Samþykkt samhljóða með handauppréttingu.

Lögð eru fram til staðfestingar drög að samþykkt um hundahald í sveitarfélögum á starfssvæði Heilbrigðisnefndar Austurlands.

Umhverfis- og framkvæmdanefnd leggur til við bæjarstjórn að hún samþykki fyrirliggjandi drög.

Samþykkt samhljóða með handauppréttingu.

Lögð eru fram til staðfestingar drög að samþykkt um kattahald og gæludýrahald annarra en hunda í sveitarfélögum á starfssvæði Heilbrigðisnefndar

Umhverfis- og framkvæmdanefnd leggur til við bæjarstjórn að hún samþykki fyrirliggjandi drög.

Samþykkt samhljóða með handauppréttingu.

Til umfjöllunar er breyting á aðalskipulagi fyrir hluta Grundar á Efra Jökuldal.

Umhverfis- og framkvæmdanefnd samþykkir efnislega tillögu að breytingu á Aðalskipulagi Fljótsdalshéraðs 2008 til 2028, Ferðaþjónusta að Grund, Jökuldal, og leggur til við bæjarstjórn að hún samþykki tillöguna til auglýsingar.

Samþykkt samhljóða með handauppréttingu.

Að gefnu áliti Skipulagsstofnunar er tillaga að deiliskipulagi tekin aftur til umfjöllunar. Skipulagsstofnun leggur til að tillaga verð auglýst að nýju.

Umhverfis- og framkvæmdanefnd samþykkir deiliskipulagstillöguna og leggur til við bæjarstjórn að hún samþykki tillöguna til auglýsingar.

Samþykkt samhljóða með handauppréttingu.

Farið yfir stöðu á vinnu við breytingu á deiliskipulagi miðbæjar.

Í vinnslu.

Til umfjöllunar er deiliskipulag Valgerðarstaða.

Í vinnslu.

Tillaga að deiliskipulagi vegna vindorku við Lagarfossvirkjun.

Í vinnslu.

Farið yfir vinnu vegna vetrarþjónustu.

Frestað.

Umsókn um framkvæmdaleyfi fyrir skógrækt á lögbýlinu Flúðum á Fljótsdalshéraði.

Frestað.

Erindi frá svæðisstjóra Eimskips með ósk um stækkun lóðar á athafnasvæði fyrirtækisins að Tjarnarás 2.

Í vinnslu.

Erindi frá Ríkiseign þar sem óskað er eftir stækkun og breytingu á nafni lóðarinnar Fremri- Galtastaðir 1.

Umhverfis- og framkvæmdanefnd samþykkir erindið og felur skipulags- og byggingarfulltrúa að afgreiða beiðnina.

Samþykkt samhljóða með handauppréttingu.

Fyrirspurn um götulýsingu á Borgarfjarðarvegi, um Eiða.

Umhverfis- og framkvæmdanefnd þakkar erindið og mótmælir því harðlega að lýsing við Borgarfjarðarveg við Eiða hafi verið tekin niður með tilliti til umferðaröryggis á svæðinu. Umhverfis- og framkvæmdanefnd felur skipulags- og byggingarfulltrúa að hafa samband við Vegagerðina vegna málsins.

Samþykkt samhljóða með handauppréttingu.

Rarik sækir um Lagnaleið frá spennastöð við Arnhólsstaði yfir í lóðina Hallbjarnastaði.

Umhverfis- og framkvæmdanefnd samþykkir erindið án athugasemda.

Samþykkt samhljóða með handauppréttingu.