Umhverfis- og héraðsnefnd Fljótsdalshéraðs

Styrkvegir 2013
Gerð er grein fyrir stöðu styrkvega á framkvæmdarárinu 2013.

Kári Ólason mætti á fundinn undir þessum lið.
Umhverfis- og héraðsnefnd þakkar Kára fyrir greinagerðina. Ljóst er að liðurinn fór fram úr áætlun á viðhaldsárinu 2013. Nefndin ítrekar mikilvægi þess að verk hefjist tímanlega þannig að hægt sé að klára þau verk er liggja fyrir á styrkvegaáætlun.

Samþykkt með handauppréttingu

AÁ lætur bóka eftirfarandi:
Í Samþykkt um stjórn Fljótsdalshéraðs og fundarsköp bæjarstjórnar segir í 66. grein "og ekki má stofna til útgjalda eða greiða fé úr sveitarsjóði, nema heimild sé til þess í fjárhagsáætlun". Í fyrstu og annarri grein fyrsta kafla Reglna um ábyrgðamörk og starfshætti stjórnenda, kjörinna fulltrúa og nefndarmanna í stjórnsýslu Fljótsdalshéraðs, segir "Kjörnir fulltrúar og nefndarmenn starfa samkvæmt: (liður e.)-ákvörðunum, áætlunum og útgjaldarömmum sem bæjarstjórn samþykkir" Það sama á við um stjórnendur.
Ákvörðun um útgjöld umfram framlag ríkis til styrkvega hefur aldrei verið samþykkt, hvorki í bæjarstjórn né í Umhverfis- og héraðsnefnd. Undrun sætir að hægt sé að fara tæp 40% fram úr heimildum án þess að gripið sé í taumana. Til frekari vegsauka fyrir þá sem um framkvæmdina sáu, var að því er virðist lagt í framkvæmdir við styrkveg milli Kirkjubæjar og Gunnhildargerðis, sem ekki er tilgreindur í bókun nefndarinnar þann 25.júni 2013 um þá vegi sem leggja átti fé til.
Augljóst er að setja þarf skýrar reglur af hálfu hreppsins um framkvæmd styrkvegagerðar. Hún gæti t.d. innihaldið:
a) Ítarlega kostnaðaráætlun. Við gerð hennar má til dæmis nota einingar eins og: klukkustundir, rúmmetra (efnis) og kílómetra (ekna). Hér mætti setja ákvæði um vikmörk, t.d. hámark 10% á hvern verklið fyrir óvissuþætti.
b) Fá ábendingar bréflega um æskilegar framkvæmdir.
c) Að ný slóðagerð fari í einhverskonar skipulagsferli.
d) Áfangaskýrsla, ef við á, og lokaskýrsla skrifleg.

Tjarnarland,urðunarstaður
Fyrir liggja drög að eftirlitsskýrslu frá HAUST, í kjölfar eftirfylgniferðar í Tjarnarland að ósk Umhverfisstofnunar.

Umhverfis- og héraðsnefnd felur verkefnastjóra umhverfismála að svara þeim athugasemdum sem koma fram í drögunum þegar úr þeim hefur verið leyst. Einnig leggur nefndin til að fulltrúi Fljótsdalshéraðs fari í reglubundið eftirlit á urðunarstaðinn.
Nefndin fer fram á að ekki verði tekið við úrgangi frá sorpþjónustufyrirtækjum nema að fyrir liggi vigtarnóta frá gámaplaninu á Egilsstöðum.

Samþykkt með handauppréttingu

AÁ lætur bóka eftirfarandi:
Leggur til daglegar eftirlitsferðir þangað til öll skilyrði starfsleyfisins eru uppfyllt.

Urðunarstaðurinn Tjarnarlandi
Fyrir liggja drög að eftirlitsskýrslu frá HAUST, í kjölfar eftirfylgniferðar í Tjarnarland að ósk Umhverfisstofnunar.

Lagt fram til kynningar

Geymslusvæði fyrir moltu
Fyrir liggur afrit af umsögn HAUST til Umhverfisstofnunar vegna starfsleyfisumsóknar fyrir moltugeymslu á Tjarnarlandi.

Lagt fram til kynningar

Endurskoðun aðalskipulags Fljótsdalshrepps
Málið var áður á dagskrá 10.12.2013.
Erindi frá Fljótsdalshrepp þar sem lagt er til að breyta afmörkun náttúruminjasvæðisins í Ranaskógi og í Gilsárdal NM 618.

Umhverfis- og héraðsnefnd tekur undir með Fljótsdalshrepp og Skógrækt Ríkisins að svæðið verði minnkað til upphaflegrar afmörkunar, þannig að gilið sjálft og eyrar þar fyrir neðan verði áfram á náttúruminjaskrá.

Samþykkt með handauppréttingu

Frumvarp til laga um meðhöndlun úrgangs
Umhverfis- og samgöngunefnd Alþingis óskar eftir umsögn um frumvarp til laga um meðhöndlun úrgangs.

Umhverfis- og héraðsnefnd tekur undir athugasemdir Sambands íslenskra sveitarfélaga um frumvarpið. Nefndin áréttar mikilvægi þess að raunhæf og heildstæð langtímastefna þarf að vera til staðar í málaflokknum og hana þarf að vinna í góðu samstarfi ríkis, sveitarfélaga og fleiri aðila.

Samþykkt með handauppréttingu

Starfsáætlun Umhverfis- og héraðsnefndar fyrir árið 2014

Umhverfis- og héraðsnefnd samþykkir framlagða starfsáætlun. Nefndin leggur til að starfsáætlanir nefnda verði gerðar aðgengilegar á heimasíðu sveitarfélagsins.

Samþykkt með handauppréttingu

Starfsleyfi fyrir almenningssaleri í Selskógi
Fyrir liggur starfsleyfi fyrir almenningssalerni í Selskógi frá HAUST.

Lagt fram til kynningar.

Stjórnarfundir Náttúrustofu Austurlands 2014
Fundagerð 1. stjórnarfundar Náttúrustofu Austurlands 2014

Lagt fram til kynningar.

Frumvarp til laga um loftslagsmál (fjárhæð losunargjalds)


Málið var á dagskrá nefndarinnar þann 10.12.2013 og var þá lagt fram til kynningar. Einnig var málið tekið fyrir á fundi bæjarráðs Fljótsdalshéraðs þann 11.12.2013 þar sem það var einnig lagt fram til kynningar. Málinu telst því lokið.

Fyrir liggur tillaga til þingsályktunar um flutning stjórnsýslu um málefni hreindýra.

Umhverfis- og héraðsnefnd er hlynnt því að stjórnsýsla um málefni hreindýra sé á Austurlandi.

Samþykkt með handauppréttingu.

2. fundur vinnuhóps um þjónustusamfélagið

Lagt fram til kynningar

Niðurfelling vega af vegaskrá

Lagt fram til kynningar

Tillaga til þingsályktunar um stofnun Hofsjökulsþjóðgarðs

Umhverfis- og héraðsnefnd gerir ekki athugasemdir til við tillöguna.

Samþykkt með handauppréttingu