Tillaga til þingsályktunar um flutning stjórnsýslu um málefni hreindýra

Málsnúmer 201401016

Vakta málsnúmer

Umhverfis- og héraðsnefnd Fljótsdalshéraðs - 65. fundur - 21.01.2014

Fyrir liggur tillaga til þingsályktunar um flutning stjórnsýslu um málefni hreindýra.

Umhverfis- og héraðsnefnd er hlynnt því að stjórnsýsla um málefni hreindýra sé á Austurlandi.

Samþykkt með handauppréttingu.

Bæjarráð Fljótsdalshéraðs - 248. fundur - 22.01.2014

Lagður fram tölvupóstur frá Alþingi, dagsettur 6. janúar 2014, með umsagnarbeiðni um tillögu til þingsályktunar um flutning stjórnsýslu um málefni hreindýra.

Eftirfarandi tillaga lögð fram:
Bæjarráð lýsir stuðningi við þær tillögur sem þar koma fram um að málefni er varða hreindýr verði aftur flutt til hreindýraráðs og starfsemi þess verði þar með efld á Egilsstöðum og Austurlandi. Stjórnun þessara mála hlýtur að byggja mikið á staðbundinni þekkingu og reynslu og því mikilvægt að yfirumsjón þeirra sé sem næst dvalar- og veiðisvæði hreindýranna.

Samþykkt samhljóða með handauppréttingu.

Bæjarstjórn Fljótsdalshéraðs - 190. fundur - 05.02.2014

Lagður fram tölvupóstur frá Alþingi, dagsettur 6. janúar 2014, með umsagnarbeiðni um tillögu til þingsályktunar um flutning stjórnsýslu um málefni hreindýra.

Eftirfarandi tillaga lögð fram:
Að tillögu bæjarráðs lýsir bæjarstjórn stuðningi við þær tillögur sem þar koma fram um að málefni er varða hreindýr verði aftur flutt til hreindýraráðs og starfsemi þess verði þar með efld á Egilsstöðum og Austurlandi. Stjórnun þessara mála hlýtur að byggja mikið á staðbundinni þekkingu og reynslu og því mikilvægt að yfirumsjón þeirra sé sem næst dvalar- og veiðisvæði hreindýranna.

Samþykkt með 6 atkv. en 3 sátu hjá (SBS, ÁK og RRI)

Stefán Bogi Sveinsson lagði fram eftirfarandi bókun Þó ég taki heilshugar undir það meginmarkmið fyrirliggjandi tillögu að færa stjórnsýslu hreindýraveiða hingað heim í hérað, tel ég þá sýn sem sett er fram um að færa stjórnsýslu málaflokksins til Hreindýraráðs vera óraunhæfa og óskynsamlega. Málið hefur verið til umfjöllunar á vettvangi stjórnar SSA og reikna ég með að þaðan muni koma betur útfærðar tillögur um framtíðarfyrirkomulag hreindýraumsýslu hér í fjórðungnum. Ég kýs því að sitja hjá við afgreiðslu þessa máls nú.

Árni Kristinsson og Ragnhildur Rós Indriðadóttir tóku einnig undir ofangreinda bókun.