Bæjarráð Fljótsdalshéraðs

Guðlaugur Sæbjörnsson fjármálastjóri fór yfir nokkur atriði tengd rekstri sveitarfélagsins.

Björn kynnti fund um fjármál sveitarfélaga sem halda á í Reykjavík næsta mánudag og óskað er eftir að framkvæmdastjórar og fjármálastjórar sveitarfélaga sæki.

Lagður fram viðauki 2 við fjárhagsáætlun ársins 2017.

0010 Útgjaldajöfnunarframlag 2017, hækkun tekna um 12 milljónir.

3128 Gervigrasvellir við Egilsstaðaskóla og Brúarásskóla, viðhald á yfirborði. Hækkun rekstrargjalda í Eignasjóði um 12 milljónir.

Bæjarráð leggur til við bæjarstjórn að framangreindur viðauki verði samþykktur.

Fundargerð 5. fundar stjórnar SSA, frá 31. janúar lögð fram til kynningar.

Fundargerð frá 8. febrúar lögð fram til kynningar.

Fyrirhugaður fundur með þingmönnum Norðausturkjördæmis, 13. febrúar 2017 ræddur og undirbúinn.

Lögð fram erindi sem leikskólabörn frá Tjarnarskógi afhentu bæjarstjóra í heimsókn þeirra á bæjarskrifstofurnar í síðustu viku.
Má þar til dæmis nefna að mála þarf gangbrautir betur, víða mætti bæta við leiktækjum, setja mætti bát í sundlaugina, fár dýr á leikskólann, fleiri hús fyrir fólk frá öðrum löndum til að flytja í og fleiri gönguljós og gangbrautir.
Bæjarstjóra falið að koma erindunum á framfæri við umhverfis- og framkvæmdanefnd og fræðslunefnd.

Lagðar fram starfsreglur fyrir Svæðisskipulagsnefnd.
Bæjarráð leggur til við bæjarstjórn að fyrirliggjandi starfsreglur verði staðfestar.

Lögð fram drög að nýjum samningi við Fjölís, vegna afritunar á höfundarvörðu efni. Samband Ísl. sveitarfélaga hefur unnið að undirbúningi þessara samningsdraga og mæla með því að sveitarfélög geri slíkan samning við þetta félag höfundarréttarhafa.

Bæjarráð samþykkir að ganga frá samningi við Fjölís og felur bæjarstjóra að undirrita hann.

Kynnt erindi frá húseiganda vegna álagningar fasteignagjalda á húsnæði í ferðaþjónustu.
Skrifstofustjóra að falið að svara erindinu, með vísan til gildandi leyfis og nýrra laga og reglugerðar varðandi þessi mál.

Vísað til afgreiðslu í lið 2 í þessari fundargerð.

Málinu frestað.

Lagðar fram athugasemdir frá eigendum og bændum á Egilsstöðum 1.
Bæjarráð samþykkir að vísa málinu til umhverfis- og framkvæmdanefndar.

Bæjarráð samþykkir að fela bæjarstjóra, í samráði við lögmann sveitarfélagsins, að svara erindinu og skila inn athugasemdum fyrir tilskilinn frest.

Bæjarráð samþykkir að fela bæjarstjóra að taka saman umsögn um frumvarp til laga um farþegaflutninga og farmflutninga á landi, í samræmi við umræður á fundinum.