Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir ýmislegt talnaefni úr rekstri sveitarfélagsins.

Björn Ingimarsson bæjarstjóri kynnti hugmyndir að endurfjármögnun á eldri lánum frá Lánasjóði sveitarfélaga. Endurfjármögnunin snýr að því að breyta lánakjörum og lánstíma umræddra lána.
Bæjarráð felur bæjarstjóra og fjármálastjóra að vinna málið áfram í samræmi við umræður á fundinum.

Björn og Guðlaugur kynntu drög að endurskoðaðri aðlögunaráætlun, sem þeir munu síðan leggja fyrir eftirlitsnefnd um fjármál sveitarfélaga, eins og um hefur verið rætt.
Í framhaldi af því verða lagðir fram viðaukar við fjárhagsáætlun 2014 og langtímaáætlun endurmetin.

Í vinnslu.

Á fundi bæjarstórnar 2. apríl sl. var ársreikningi Fljótsdalshéraðs 2013 vísað til síðari umræðu í bæjarráði og bæjarstjórn.

Eftirfarandi tillaga lögð fram:
Bæjarráð samþykkir að vísa ársreikningi Fljótsdalshéraðs fyrir árið 2013, ásamt fylgigögnum, til síðari umræðu í bæjarstjórn.

Samþykkt samhljóða með handauppréttingu.

Fundargerðin staðfest.

Fundargerðin staðfest.

Fundargerðin staðfest.

Í tilefni af lið 6 í fundargerðinni kom fram að á Alþingi liggur nú fyrir frumvarp til laga um varnir gegn gróðureldum. Bæjarráð samþykkir að beina því til Brunavarna á Austurlandi að fara yfir efni frumvarpsins og eftir atvikum að gera umsögn um það.

Fundargerðin lögð fram til kynningar.

Fundargerðin lögð fram til kynningar.

Eftirfarandi tillaga lögð fram:
Bæjarráð felur bæjarstjóra og fjármálastjóra að kanna möguleika á endurfjármögnun á leigusamningum tengdum Fasteign ehf.

Fundargerðin lögð fram til kynningar að öðru leyti.

Lagður fram tölvupóstur með fundarboði til hluthafa vegna aðalfundar Gróðrarstöðvar Barra ehf. fyrir rekstrarárið 2013, sem boðaður er fimmtudaginn 10. apríl nk. kl. 20:00.

Bæjarráð samþykkir að Björn Ingimarsson fari með umboð og atkvæði Fljótsdalshéraðs á fundinum og Gunnar Jónsson til vara.

Samþykkt samhljóða með handauppréttingu.

Lagt fram bréf frá N1 hf, dagsett 25. mars 2014, svar við bréfi frá Fljótsdalshéraði dags. 13. mars 2014, varðandi lokun eldsneytisafgreiðslu N1 að Aðalbóli.

Bæjarráð ítrekar fyrri bókun vegna málsins.

Lögð fram drög að samningi um rekstur tjaldstæðisins á Egilsstöðum árið 2014.

Bæjarráð samþykkir samninginn fyrir sitt leyti og felur bæjarstjóra að undirrita hann.

Í vinnslu.

Lagt fram bréf frá Lánasjóði sveitarfélaga ohf., dags. 2. apríl 2014, þar sem tilkynnt er um arðgreiðslur Lánasjóðsins fyrir árið 2013 til hluthafa. Hlutur Fljótsdalshéraðs er samkvæmt bréfinu kr. 4.545.168, að frádregnum fjármagnstekjuskatti.

Kynntur ársreikningur og endurskoðunarskýrsla Vísindagarðsins fyrir árið 2013.

Lagt fram fundarboð á kynningarfund um Samgönguáætlun - fjarskiptaáætlun 2015 - 2026, sem boðaður er á Hótel Héraði 10.04. nk.

Rædd staða ýmissa samgöngumála í fjórðungnum. Bæjarfulltrúar hvattir til að mæta á kynningarfundinn og taka þátt í stefnumótun.

Bæjarráð lýsir yfir áhyggjum sínum yfir stöðu mála er varða afhendingaröryggi á raforku á Austurlandi. Ljóst er að núverandi staða stendur allri uppbyggingu og rekstri atvinnulífs í fjórðungnum fyrir þrifum. Bæjarráð lýsir yfir fullum stuðningi við áform Landsnets um uppbyggingu flutningskerfis raforku og hvetur stjórnvöld til að setja aukinn kraft í þá vinnu og að tryggja fullnægjandi framboð á raforku í landinu.

Lagður fram tölvupóstur, dags. 4. apríl 2014, frá Guðjóni Bragasyni fyrir hönd Sambands íslenskra sveitarfélaga, með beiðni um umsögn vegna frumvarps til laga um eflingu tónlistarnáms (nám óháð búsetu)

Bæjarráð samþykkir að fela bæjarstjóra og fræðslufulltrúa að taka saman umsögn um málið og senda á nefndasvið Alþingis fyrir tilskilinn frest.

Lagður fram tölvupóstur frá Friðriki Jónssyni, dags. 23. mars 2014.

Bæjarráð sér ekki ástæðu til að endurskoða verklag sveitarfélagsins, enda er það í samræmi við gildandi lög og reglur um dýravernd.

Lögð fram ýmis gögn og samantekt Kynningarfundar fyrir sveitarfélög um fjarskiptamál, sem haldinn var á vegum Sambandsins 27. mars sl. Póst- og fjarskiptastofnun hefur lagt fram umræðuskjal um alþjónustuskyldur varðandi aðgang að almenna fjarskiptanetinu og kallað eftir umsögnum og athugasemdum um það.

Bæjarráð samþykkir að fela skrifstofustjóra og umsjónamanni tölvumála að kynna sér umræðuskjalið og vera í sambandi við fulltrúa Sambands sveitarfélaga um gerð umsagnar.